Nonomho Te Keli Teke Risoi Mae Mak 16:14 - Buka Blahi Ka Cheke Holo

¹⁴ Ke leghu na mae Jisas mei ne thakle ka nabotho kaisei mae fanomhore, ka vido te ima teu mare na. Mana mei ne cheke faheta ka mare, naugna mare ne theome biꞌo nodi fatutuani na. Mare ne maku fara nagnafadire ne theome fatutuanidi iheire teke filoni mana ke leghugna teke karha fapulo mana ka glehe na.

Nonomho Te Keli Teke Risoi Mae Mak 16:14 ပူးပေါင်းရင်းမြစ်များ

Ululahu Korin 15:5

Mana neke fatakleni thegna ka mae Pita, ke leghu na ka hatimare nabotho phei mae fanomhore.

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.

Jone 20:27

Aonu mae Jisas ne cheke eghu ka mae Tomas, “Habo mei khamemu are agne ka khamegu iara gre mala filodi. Eghuteuna habo mei khamemu ana agne ka gagarogu iara gne. Thosei ghatho peapea, fatutuani sagho!”

Matiu 11:20

Ke leghugna igne, mae Jisas ne funu cheke faparidi namono aheva te edi mana nogna kofubobhoi te kmanare, naugna naiknodi namono tuare theome tughu nagnafa eidi nakhibodire.

Luku 24:25

Ke leghugna igne mae Jisas ne cheke eghu ka phiamare, “Tore, ghopa gne ihou kolho signe. Ghopa gne theome faghose fatutuanidi kolho gobigna lepo teke chekedi hatimare mae profet ra!

Nonomho Te Keli Teke Risoi Mae Mak 7:18

Mae Jisas ne cheke eghu ka mare, “Tore, theome glolau ngala ka ghotilo sia? Uve, gano te ghamu naikno na, theome mala fathonani mana sia.

Matiu 17:20

Mae Jisas ne cheke eghu ka mare, “Ghotilo theome tangomana ghami te brue teini naitu na, naugna nomi fatutuani ghotilo na theome naba. Tutuani fara te chekeni iara ka ghotilo na, neubane ikoi fara jateula sisi gaju mastad neu nomi fatutuani ghotilo na, ghotilo na tangomana te cheke eghu ka thogele igne, ‘Jifla agne mala tei jare.’ Teu ghotilo na, thogele tuana ginauna thugha tei. Eghume ginauna theo kaisei glepo nate ninhigrana ranghi ghami ghotilo na.

Naba 14:11

Lord ne cheke eghu ka mae Moses, “Niha fata thodo ghau iara si naikno grea? Neubane edi iara kmana khofubobhoi ka tathadi mare re, mare theome ke rouronu kolho ka iara.

Matiu 28:17

Aonu, kate filoni mana ka thogele na, mare turupuku soru ne kilo fnaknoni ka mana. Nu keha mae fanomhore pogho soru balu ghatho peapea.

Luku 24:11

Nu hatimare mae khuru ne theome fatutuanidi kolho goro gaꞌasere, naugna te ghathoni mare na rehati khogla tharuma cheke kolho.

Jone 20:25

Kate mei mae Tomas na, keha mae fanomho teke filoni mae Jisas re ne cheke eghu ka mana, “Ghehati la filonihi mae Lord na!” Mae Tomas ne cheke eghu ka mare, “Jame la filodi iara thegu glafidi nila ka khamegnare nei habo lao khamegure ka glafi, nei habo lao khamegure ka gagarogna mana re lau ame fatutuani nga iara teke la karha fapulo mana na eghu.”

Jone 20:26

Kaisei wik ke leghugna igne, mae fanomhore kafe au neu ka suga na, eghuteuna mae Tomas au neu baludi mare. Mare ne famane bibilakhi neu grengatha na, eghuteuna mae Jisas mei ne kegra farihoteidi mare ne cheke eghu, “Pharikeli na au ka ghotilo!”

Jone 21:1

Kaisei fata ke leghugna igne, mae Jisas neke fatakleni thegna ka nogna mae fanomhore ka grathagna Kholo Galili. Igne neke eghu.

Jone 21:14

Funu ka narane ke leghugna teke kegra fapulo mana kau glehe na, igne fatilo fata mae Jisas te thakle ka nogna mae fanomhore.

Mae Khuru 1:3

Ke leghugna teke lehe nei ke karha fapulo teku na, mae Jisas neke fatakleni thegna ranghidi mare ka kmana fagaglana tutuani leuleghu fata ke lamnadi phiatutu narane igre. Mare neke filo tathadi mae Jisas na, eghuteuna mana neke toutonu ka mare eigna nakarha te funei frunini God na.