Nonomho Te Keli Teke Risoi Mae Mak 16:1 - Buka Blahi Ka Cheke Holo

¹ Kate gnafa narane Sabat na, Meri gna Makidala nei Salome nei Meri idogna mae Jemes ne foli keha sedi mala tofa ka thinigna mae Jisas na.

Nonomho Te Keli Teke Risoi Mae Mak 16:1 ပူးပေါင်းရင်းမြစ်များ

Luku 23:56

Ke leghugna igne, rehati neke pulo ka suga na mala tarabana meresin glaghobe malagna thinigna mae Jisas. Eghuteuna kau narane Sabat na mare ne gnafa leghuni nogna vetula mae Moses.

Nonomho Te Keli Teke Risoi Mae Mak 15:40

Keha gaꞌase langau kegra filo mei neu delei. Baludi Meri gna Makidala nei Salome nei Meri idodi mae Joses ghe mae tahigna Jemes.

Jone 19:31

Narane igne narane mala tarabana eigna Sabat. Mae Jiure theome magnahaghei te gefe teu thinidi mae te lehere ka gaju fafatha na te ghilei thoke ka narane Sabat. Eigna narane Sabat igne kaisei narane blahi fara tulao. Naugna igne, mae biꞌodi mae Jiure ne tore ka mae Paelat mala tei mare lolhopa ghahedi thilo mae igre, mala lehe thilo mare mala hata tei giugilui.

Jone 19:25

Naikno kegra teu rhegna gaju fafatha mae Jisas na igre: idogna mae Jisas, tahigna idogna mana na, Meri khetogna mae Klopas, nei Meri gna Makidala.

Nonomho Te Keli Teke Risoi Mae Mak 16:8

Rehati rikha ne jifla ka gluma na, naugna reꞌe ne faꞌihodi fara ne fififri balu mhaghu. Nu reꞌe ne theome toutonuni kaisei glepo ka ihei nga, naugna reꞌe ne mhaghu nodi fara.

Nonomho Te Keli Teke Risoi Mae Mak 15:47

Eghuteuna Meri gna Makidala ghe Meri idogna mae Joses gre neke filoni aheva teke lilisei gna mare thinigna mae Jisas na.

Nonomho Te Keli Teke Risoi Mae Mak 14:8

Naikno biꞌo igne eni glepo te keli igne ranghi ghau iara, naꞌa kulu toatofa sedi te siri keli gna na ka thinigu iara na, tarabana gna te mala giugilu mare thinigu iara na.

Nonomho Te Keli Teke Risoi Mae Mak 14:3

Ka narane tuana mae Jisas au neu Betani ka sugagna mae Simon, mae ihei teke thubu biꞌo tifa ka khabru te kiloni leprosi. Aonu, kate ghamu teu mare na, kaisei naikno biꞌo hata ne mei kaisei botol sedi te famane sisiri keligna nei biꞌo fara sileni gna na. Naikno biꞌo na tothora botol na ne toatofa ka pha'ugna mae Jisas na.

Fapea Kronikols 16:14

Mae iheire te tarabana thinigna mana na, mare hata oel balu glaghobe te famane sisiri kelidi, ne nanhaꞌa ka thinigna mana na. Aonu mare tei ne giugilu ka beku teke kulu dokhahi mana thegna ka nogna Namono biꞌo King Devet. Eghuteuna kate gnafa giugilui na, mare ne eni kaisei khaꞌaghi biꞌo mala ghatho tahuni mana.

Luku 23:54

Eghuteuna narane igne narane mala tarabana eigna narane Sabat. Sabat na la namo fufunuhi ka narane tuana.

Nonomho Te Keli Teke Risoi Mae Mak 15:42

Igne narane mala tarabana. Naugna keha narane na narane Sabat. Eghuteuna gognaro na la namo romnohi.

Jenesis 50:2

Aonu mana ne kilodi maedi Ijep te loku ranghini mana re. Mana ne chekedi mae te lase edi thinidi mae te lehere mala theome tangomana te boto nei siri teuna. Aonu hatimare ne leghuni unha teke chekeni mae Josep na.

Nonomho Te Keli Teke Risoi Mae Mak 16:2

Hamerane boibongi kau narane Sade, kate phage naprai na, goro gaꞌasere ne tei mala thoke ka gluma na.

Luku 24:1

Hamerane Sade ghagra pasa, gaꞌasere hata meresin teke tarabana thedire ne tei ka gluma te au thinigna mae Jisas na.