Nonomho Te Keli Teke Risoi Mae Mak 15:46 - Buka Blahi Ka Cheke Holo

⁴⁶ Mae Josep ne foli keha pohe vegha, ne hata soru thinigna mae Jisas na ka gaju fafatha na, ne pipiha ka pohe tuana. Mana ne lilisei thinigna mae Jisas na ka gluma teke jou mare kau thina tataba na. Aonu mana ne pili lao kaisei thina biꞌo mala fofothogna gluma na.

Nonomho Te Keli Teke Risoi Mae Mak 15:46 ပူးပေါင်းရင်းမြစ်များ

Profet Isaia 53:9

Neuba mana ne theome eni kaisei najafra biꞌo, ba chekeni kaisei cheke te chaichaghi, nu mare faleheni mana baludi mae te diꞌare, eghuteuna giugilui baludi mae iheire te dedei.”

Jone 11:38

Mae Jisas ne posa ka gluma na ne thono diꞌanagnafagna fara. Gluma igne mare neke jou ka thina tataba, eghuteuna kaisei thina biꞌo teke fofothogna gluma tuana.

Profet Isaia 22:16

‘Ghema Sebna! Iagho theo glosemu nei vikemu eghu agne. Naugna unha sagho te chekedi mae igre te jou kaisei khora lamna thina rhegna thogele ignea, eghuteuna tarabana kaisei vido mala giugilu nigho tagna? Mae ihei teke snakreni ka iagho te mala khotogna vido glose igne?

Luku 23:53

Mae Paelat snakreni thinigna mae Jisas na ka mana. Aonu mae Josep ne hata soru thinigna mae Jisas na ka gaju fafatha na ne pipiha ka famane pohe na. Eghuteuna mae Josep tei ne lilisei ka gluma teke jou mare ka thina na. Eghuteuna gluma tuana mare neke theome lilisei nekeu kaisei naikno tagna.

Matiu 28:2

Aonu, kaisei nakheu biꞌo ne nghali ne kheu tongana gobigna lepore ka vido tuana. Eghuteuna, nogna engel Lord na ne soru mei funu kligna ne tei ka gluma na, ne pili fadelei thina biꞌo teke fofothogna gluma na ne gnokro ke kligna thina.

Nonomho Te Keli Teke Risoi Mae Mak 15:45

Mana ne cheke eghu ka mae Paelat, “Uve mana la lehehi.” Kate nomhini mae Paelat nogna cheke tughu mae funeidi mae armi gre, mana ne snakreni ka mae Josep thinigna mae Jisas na.

Nonomho Te Keli Teke Risoi Mae Mak 15:47

Eghuteuna Meri gna Makidala ghe Meri idogna mae Joses gre neke filoni aheva teke lilisei gna mare thinigna mae Jisas na.

Jone 11:41

Aonu, mare ne pili fadelei thina biꞌo tuana. Eghuteuna mae Jisas ne filo haghe kligna ne cheke eghu, “Mama, iara cheke fakeli nigho iagho, naugna iagho neke nomhi ghauhi iara.

Jone 20:1

Ghagra pasa hamerane Sade, Meri gna Makidala jifla ne tei ka gluma aheva teke lilisei mare thinigna mae Jisas na. Kate thoke lao ka gluma na, naꞌa ne filoni thina biꞌo teke fofothogna gluma na la pili fadeleihi.