Nonomho Te Keli Teke Risoi Mae Mak 15:32 - Buka Blahi Ka Cheke Holo

³² Lisa laoni mae Kraes nodi King mae Israel ana, mala soru mei ka gaju fafatha na gognarogne. Jame te filoni tahati igne na, tahati ginauna na fatutuani ni mana!” Keha phia mae teke blau te tupijuru balugna mana re ne jaola ne cheke faparini mana.

Nonomho Te Keli Teke Risoi Mae Mak 15:32 ပူးပေါင်းရင်းမြစ်များ

Matiu 27:44

Phei mae blau te tupijuru balugna mae Jisas igre jaola ne cheke faparini mana.

Fapea Timoti 2:18

Phei mae igre tei kokonihi thofno fatutuani na. Naugna te chekeni phei mae igre na tahati ginauna theome kegra fapulo kolho, naugna tahati naikno khiloau gre neke kegra fapulohi. Nafnata farirhiu igne roꞌedi kolho nodi fatutuani keha naikno khiloaure.

Matiu 1:17

Aonu, phagusu teke funu ka mae Ebraham te posa ka mae King Devet na jame nabagna nabotho fati phagusu. Eghuteuna teke funu ka mae Devet te posa ka narane teke sneka teke tei mare Babilon na keha nabotho fati phagusu. Eghuteuna teke funu jare te posa ka teke karhagna mae Kraes na keha nabotho fati phagusu.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Profet Sefanaea 3:15

Lord na theome para ghami ghotilo, eghuteuna mana brue fajifladihi nomi naoka ghotilo ra. Lord gognarona king gna Israel, eghuteuna mana au balumi ghotilo. Eghume, ghotilo theome tangomana te mhaghuni kaisei glepo na.

Profet Isaia 44:6

Lord mae ihei te au nolaghi fateote'o igne nodi King mae Israel, eghuteuna mana atha fasnagli ghami ghotilo. Mana neke cheke eghu, “Iara ngala God na, iara neke kulu au neke aunga gobigna lepo igre, eghuteuna iara ginauna na jaola leghu lahu. Uve, theo kaisei god ahevanga, kaisei Iara ngala.

Letas Teke Riso Tei Mae Pol Ka Khiloau Rom 3:3

Eghuteuna naikno Jiure neke eni kaisei nhaꞌa cheke ka God mala leghuni fabrahu teke eni mana ranghidi mare igne. Nu kmana naikno theome leghuni kolho u nhaꞌa cheke tuana. Ba, gaoghatho tuana mala jaola mana theome leghuni u nhaꞌa cheke teke eni mana ka mae Ebraham te mala fablahini vikegna mana na?

Jone 12:13

Eghume, mare ne tei pulei grege thubo mala tei thafoni mana ka nabrou na. Aonu, mare ne gleale'a fara kate filoni te mei mae Jisas na ne thagru eghu fabiꞌo, “Hosanna! Kilo fnaknoni God!” “God fablahini mana te mei ka nanghagna Lord!” “God fablahini nodi King mae Israel!”

Jone 1:49

Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”

Nonomho Te Keli Teke Risoi Mae Mak 15:26

Grioriso eigna nodi fathoro mare ranghini mae Jisas na igne, “NODI KING HATIMARE MAE JIU.”

Matiu 27:42

ne cheke eghu, “Tore! Mana fakarhidi keha naiknore, nu theome tangomana te fakarhini thegna na! Eghume mana noda king tahati mae Israel. Te king tutuani mana na, lisani mala soru mei ka gaju fafatha na gognarola, eghuteuna tahati ginauna laseni te mae Kraes tutuani mana na.

Nonomho Te Keli Teke Risoi Mae Mak 15:27

Jaola hatimare ne tupijuru balugna mae Jisas phia mae teke blau. Kaisei mae fei nhetagna nei kehana fei mairigna.