Nonomho Te Keli Teke Risoi Mae Mak 15:3 - Buka Blahi Ka Cheke Holo

³ Aonu hatimare mae pris ulu gre kmana glepo te fathoro lao ka mana na.

Nonomho Te Keli Teke Risoi Mae Mak 15:3 ပူးပေါင်းရင်းမြစ်များ

Profet Isaia 53:7

“Neuba mare ne parani mana, mana neke theome eni kaisei cheke. Mana nhaꞌa faparini kolho thegna. Mare athani mana jateula sipu majaghani te mala aknu falehe ra neku. Mana jateula sipu te au kmu ra neku kolho kate kuchi mare khaklagna re, mana neke theome eni kaisei cheke.

Jone 19:12

Kate nomhini mae Paelat cheke igne, mana ne funu hiro phoge te mala snakre teini mae Jisas. Eghuteuna, mae Jiu gre ne eha fabiꞌo eghu ka mae Paelat, “Te snakre teini iagho mae igne na, ghehati lase nigho iagho theome kheragna Sisa mae funei biꞌo gna Rom na eghu. Naugna mae ihei te kiloni thegna mae king na, mana theome keli ranghini mae Sisa.”

Nonomho Te Keli Teke Risoi Mae Mak 15:5

Nu mae Jisas ne theome ghagrini kaisei cheke. Aonu mae Paelat ne jaglo nogna fara ka igne.

Matiu 27:12

Mae Jisas ne theome cheke tughu ka nodi fathoro hatimare mae pris ulu nei hatimare goro mae biꞌo.

Nonomho Te Keli Teke Risoi Mae Mak 15:2

Mae Paelat ne ghusna eghu ka mae Jisas, “Ba, iagho thofno nodi King mae Jiu gre sia ghema?” Mae Jisas ne cheke eghu ka mana, “Uve, te chekenihi iagho tuana.”

Nonomho Te Keli Teke Risoi Mae Mak 15:4

Eghuteuna mae Paelat neke ghusnai ka mae Jisas, “Naugna unha site theome cheke tughu iagho gnea? Filo sagho, kmana glepo naikno igre te fathoro ari ka iagho na!”

Nodi Khoje Hatimare Mae Jiu 38:14

Iara jateula kaisei mae te iho cheke tughu ra neu ne theome cheke fapulo ka mare. Naugna iara ne megli fara.