Nonomho Te Keli Teke Risoi Mae Mak 15:16 - Buka Blahi Ka Cheke Holo

¹⁶ Nogna soldia mae Paelat igre hatani mae Jisas ne tei ka glalabagna suga biꞌo mae Paelat na. Mare ne kafe kilo fodudi tothoghei mae soldia te gnafare.

Nonomho Te Keli Teke Risoi Mae Mak 15:16 ပူးပေါင်းရင်းမြစ်များ

Jone 19:9

Aonu, mana neke ruma lamna suga ne ghusna eghu ka mae Jisas, “Iagho neke mei funumu aheva sia?” Mae Jisas ne theome cheke tughu ka mana.

Jone 18:28

Aonu, hamerane boibongi, hatimare mae Jiu hatani mae Jisas funu ka sugagna mae Kaefas na ne tei ka sugagna mae Paelat mae gavana gna Rom. Eghuteuna, goro mae biꞌodi hatimare mae Jiu ne theome ruma lamna ka suga na. Naugna mare magnahaghei blahi teu te ghilei thokei narane Gaghamu Ghasa-Polho na.

Matiu 26:3

Hatimare mae pris ulu nei hatimare mae biꞌodi mae Jiu eghu ne eni kaisei faidu ka sugagna mae Kaefas, mae pris biꞌo na.

Mae Khuru 10:1

Jare kaisei mae gna Rom te au ka namono Sisaria, nanghagna na mae Konilias. Mana kaisei mae funei ka tothoghei te kiloni “Tothoghei gna Itali.” Mae Konilias gne batuni kaisei gobi mae soldia gna Rom.

Jone 18:33

Aonu, mae Paelat neke ruma lamna suga. Mana kiloni mae Jisas, ne ghusna eghu ka mana, “Ba, iagho thofno nodi King mae Jiu gre sia ghema?”

Nonomho Te Keli Teke Risoi Mae Mak 15:17

Mare ne fapoko lao kaisei phoko ukru ka mae Jisas. Aonu, mare ne horo kaisei khepi fifiriulu ne lilisei lao ka pha'ugna mae Jisas na.

Jone 19:2

Ke leghugna igne, mae soldiare ne lolhopo kaisei khepi fifiriulu ne nhaꞌa lao ka pha'ugna mae Jisas na. Eghuteuna, mare ne fapoko lao kaisei nogna phoko ukru king ka mana mala maꞌeni mana.