Nonomho Te Keli Teke Risoi Mae Mak 15:15 - Buka Blahi Ka Cheke Holo

¹⁵ Mae Paelat magnahaghei te keli tadi naiknore ne hata fajiflani mae Barabas. Eghuteuna mae Paelat ne chekedi mae soldiare mala purini mae Jisas. Aonu mae Paelat ne snakre laoni mae Jisas mala tupijuru ka gaju fafatha.

Nonomho Te Keli Teke Risoi Mae Mak 15:15 ပူးပေါင်းရင်းမြစ်များ

Jone 19:1

Aonu, mae Paelat ne chekedi nogna mae soldiare mala purini mae Jisas.

Matiu 27:26

Mae Paelat ne leghuni unha te toreni naiknore ne snakre fajiflani mae Barabas. Mae Paelat ne chekedi keha nogna mae soldia mala purini mae Jisas ka phukri. Aonu mana ne snakreni mae Jisas ka mae soldiare mala tei tupijuruni mana ka gaju fafatha.

Profet Isaia 50:6

Kate mei mare te purini thagrugu iara na, iara ke figri lao bakoguna mala tungnu mare gremohogure. Iara theome lhotidi tathagu nei foflogu teure, mala kmisudi mare.

Nonomho Te Keli Teke Risoi Mae Mak 10:34

Naikno tuare ginauna maꞌe ghau, kmisu ghau, puri ghau ka phukri nei falehe ghau eghu iara. Eghuteuna ka fatilo narane na iara nake karha fapulo.”

Proveb 29:25

Jame te mhaghuni iagho keha naikno na, namhaghu iagho igne jateula phighoro eghu haru famaku nigho. Nu te fatutuani heta iagho ka Lord na, iagho ginauna au fakeli.

Nodi Khoje Hatimare Mae Jiu 129:3

Mare neke puphuri ka thagruda gre ka khodo, ne ghilei huge fagleghui jateula gukhura neu fifilodire ka thagrudare.

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Jone 19:16

Aonu, mae Paelat ne snakreni mae Jisas ka mare mala tupijuruni mana kau gaju fafatha. Mae soldiare ne hatani mae Jisas ne tei.

Nodi Khoje Hatimare Mae Jiu 57:11

Iara magnahaghedi naiknore te pala hagheni kligna nanghamu iagho na mala tei e salaꞌuni maloa gne. God, fakakhana sagho nou nolaghi te biꞌo na ka namono te gnafa ka nauthoglu igne.

Galesia 1:19

Nu ka narane igre iara neke theome filodi keha mae khurure kaisei mae Jemes tahigna Lord kolho teke filoni iara na.

Mae Khuru 25:9

Nu mae Festas magnahaghei te keli tadi hatimare mae Jiu ne ghusna eghu ka mae Pol, “Ba, iagho magnahaghei te haghe Jerusalem mala kegra ke ulugu iara jare ka fate sia?”

Mae Khuru 24:27

Nu mae Filiks ne liliseini mae Pol mala au mana ka suga sosolo, naugna mana magnahaghei te keli tadi hatimare mae Jiu. Nu ke leghu phei finogha, mae Posias Festas neke tughuni mae Filiks mala gavana ka provins tuana.

Luku 18:33

Mare ginauna puri ghau iara ka phukri, nei falehe ghau iara. Nu ka fatilo narane na iara nake karha fapulo ka glehe.”

Matiu 20:19

Mare ginauna snakre lao ghau iara ka khamedi hatimare mae te theome Jiu. Eghuteuna mae igre ginauna maꞌe ghau nei puri ghau ka phukri nei tupi juru ghau eghu iara kau gaju fafatha. Nu ka fatilo narane na, God nake fakarha fapulo ghau iara kau glehe.”

Nonomho Te Keli Teke Risoi Mae Mak 15:14

Aonu, mae Paelat ne ghusna eghu ka mare, “Naugna unha te mala faleheni iara mae igne? Unha najafra biꞌo teke eni mana na?” Mare ne kafe thagru eghu fabiꞌo fara, “Tupijuruni ka gaju fafatha!”

Luku 23:16

Eghume iara na chekedi mae soldia ra mala purini mana, eghuteuna iara ginauna na snakreni mana mala tei nogna.”