Nonomho Te Keli Teke Risoi Mae Mak 15:14 - Buka Blahi Ka Cheke Holo

¹⁴ Aonu, mae Paelat ne ghusna eghu ka mare, “Naugna unha te mala faleheni iara mae igne? Unha najafra biꞌo teke eni mana na?” Mare ne kafe thagru eghu fabiꞌo fara, “Tupijuruni ka gaju fafatha!”

Nonomho Te Keli Teke Risoi Mae Mak 15:14 ပူးပေါင်းရင်းမြစ်များ

Luku 23:41

Tapa nabada te mala lehe na. Lehe tughudi unha puhi te diꞌa teke edi theda tifa ra. Nu mae igne theo kaisei nakhibogna.”

Ululahu Pita 1:19

Theo. Mana neke foli fapulo ghami ka dadaragna mae Kraes thegna te ulu tulao. Mae Kraes na jateula kaisei sua sipu eghu mala fafara, te famane klino nei theo kaisei thona tagna.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Mae Khuru 19:34

Nu kate filo glanini mare mae Aleksada gne te kaisei mae Jiu na, mare ne kafe thagru fabiꞌo nabagna phei aoa, ne cheke eghu, “Atemis, nodi god gaꞌase mae Efesus te fnakno!”

Jone 19:6

Kate filoni mae Jisas na mae pris ulu nei mae pulis te reireghi gna Sugablahi na mare filo lao ka mae Jisas ne eha fabiꞌo, “Tupijuruni mae tuana! Tupijuruni mae tuana!” Mae Paelat ne cheke eghu ka mare, “Athani mana si ghotilo mala tupijuruni mana themi. Naugna iara theome filoni kaisei najafra ka mana te nabagna te mala fate faleheni mana na.”

Jone 18:38

Mae Paelat ne cheke eghu ka mana, “Unha si gaoghathogna ‘tutuani’ te chekeni iagho gnea?” Mae Paelat neke jifla kosi ka mavitu na, ne cheke eghu, “Iara theome filoni kaisei najafra te nabagna te mala fate faleheni mae igne.

Luku 23:47

Mae pha'u mae di hatimare mae soldia di Rom kegra neu jare ne filoni unha te eni igne. Mana ne kilo fnaknoni God, ne cheke eghu, “Tuani fara, mae igne kaisei mae doglo fara!”

Luku 23:21

Nu mare ne eha eghu fabiꞌo mei ka mana, “Tupijuruni! Tupijuruni ka gaju fafatha!”

Luku 23:4

Mae Paelat ne cheke eghu ka hatimare mae pris ulu nei ka naikno te khapru teu jare, “Iara theome filoni kaisei najafra ka mae igne.”

Matiu 27:54

Ka vido tuana kaisei mae biꞌodi hatimare mae armi nei keha mae soldia teke reireghini mae Jisas igre ne mhaghu nodi fara ka nakheu igne, nei gobigna lepo te edi ka narane tuana. Mare ne cheke eghu, “Tutuani fara, mae igne thofno Thugna God!”

Matiu 27:19

Mae Paelat chekedi glepo igre kate gnokro mana ka sape fate na. Kate gnokro mae Paelat te fateni mae Jisas na, khetogna gavana igne ne famei kaisei nonomho. Nonomho igne cheke eghu, “Thosei eni kaisei glepo ranghini thau te theo kaisei nakhibogna tuana. Naugna ginei iara ne mifi eigna naꞌa ne theome thuru fakeli nogu.”

Matiu 27:4

Mae Judas ne cheke eghu ka mare, “Iara la jafrahi, naugna iara ne majorani mae te theo kaisei nakhibogna na ka glehe.” Mare ne cheke eghu ka mana, “Tuana nou puhi iagho themu kolho, theome nomi puhi ghehati.”

Profet Isaia 53:9

Neuba mana ne theome eni kaisei najafra biꞌo, ba chekeni kaisei cheke te chaichaghi, nu mare faleheni mana baludi mae te diꞌare, eghuteuna giugilui baludi mae iheire te dedei.”

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Nodi Khoje Hatimare Mae Jiu 69:4

Naikno te tirodi ghau iara gre la thono kmana fara, mare kmana fara uludi khakla ka phaꞌugu iara na. Nogu naoka iara gre mare toutonu chaghi eigu iara. Mare thono nheta fara nei magnahaghei falehe ghau iara. Mare huhuru ghau iara mala ke tusu fapulo glepo teke theome blau iara re.

Nonomho Te Keli Teke Risoi Mae Mak 15:13

Mare ne eha eghu fapulo ka mae Paelat, “Tupijuruni ka gaju fafatha!”

Nonomho Te Keli Teke Risoi Mae Mak 15:15

Mae Paelat magnahaghei te keli tadi naiknore ne hata fajiflani mae Barabas. Eghuteuna mae Paelat ne chekedi mae soldiare mala purini mae Jisas. Aonu mae Paelat ne snakre laoni mae Jisas mala tupijuru ka gaju fafatha.

Mae Khuru 13:28

Neubane theome filoni mare kaisei nafugna te mala fate faleheni mae Jisas na, mare ne toreni mae Paelat mala faleheni mana.