Nonomho Te Keli Teke Risoi Mae Mak 15:12 - Buka Blahi Ka Cheke Holo

¹² Mae Paelat neke ghusna eghui ka naiknore, “Jame te hata fajiflani iara mae Barabas gne na, na faꞌunhani eghu si iara mae te kiloni ghotilo nodi King mae Jiu teu ignea?”

Nonomho Te Keli Teke Risoi Mae Mak 15:12 ပူးပေါင်းရင်းမြစ်များ

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Luku 23:2

Kate posa jare na, mare ne funu vuavuha cheke eigna mae Jisas. Mare ne cheke eghu ka mae Paelat, “Ghehati lasenihi puhigna mae igne, mana batu fadiꞌadi nei chaghidi naiknore mala thosei foli takis ka Sisa, king biꞌogna Rom. Mana jaola kiloni thegna ‘Kraes’, kaisei mae king biꞌo.”

Matiu 21:5

“Cheke ka naiknodi Jerusalem, ‘Filo si ghotilo nomi King ghotilo na la mei ka ghotilo. Mana nhaꞌa faparini thegna la saghe ka dongki na. Mana saghe ka sua dongki na.’ ”

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Nonomho Te Keli Teke Risoi Mae Mak 15:11

Nu hatimare mae pris ulu gre ne huhurudi naiknore mala toreni mae Paelat mala hata fajiflani mae Barabas ranghidi.

Nonomho Te Keli Teke Risoi Mae Mak 15:13

Mare ne eha eghu fapulo ka mae Paelat, “Tupijuruni ka gaju fafatha!”