Nonomho Te Keli Teke Risoi Mae Mak 15:10 - Buka Blahi Ka Cheke Holo

¹⁰ Mae Paelat lasenihi mae pris ulu gre hatani mae Jisas teke mei ka mana na, naugna mare neke goghotuni mae Jisas.

Nonomho Te Keli Teke Risoi Mae Mak 15:10 ပူးပေါင်းရင်းမြစ်များ

Proveb 27:4

Puhi te diꞌatada balu fangingiri na fakabrudi keha naiknore, nu puhi goghotu na thono diꞌa fara salaꞌuni puhi te diꞌatada na.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Matiu 27:18

Mae Paelat kulu lasenihi hatimare mae pris ulu nei hatimare mae biꞌo te hatani mae Jisas te mei ka mana na, naugna mare goghotuni mae Jisas.

Ululahu Jone 3:12

Thosei jateula mae Kein, mana nogna mae Satan neke faleheni mae tahigna na. Mana faleheni mae tahigna naugna glepo te edi mana re diꞌa fara, eghuteuna glepo te edi mae tahignare keli fara.

Jemes 4:5

Unha te chekeni ka grioriso te blahi na ia thofno tutuani fara eigna God neke snakre meini mae Tharunga te Blahi na ka tahati mala au ke lamnada tahati na thofno magnahaghe ghita tahati te mala leghuni kolho mana. Nu neuba ngau, keha ka ghotilo leghuni gaoghathogna naikno kolho. Nu God tusu ranghi ghami ghotilo nogna thotogho na, mala tangomana ghotilo te hogri nagnafa na. Naugna igne, grioriso te blahi na thofno tutuani fara te chekeni igne, “God theome magnahagheni ihei te fahaehaghe na. Nu toghoni ihei te nhaꞌa faparini thegna na.”

Mae Khuru 13:45

Kate filoni mae biꞌodi mae Jiure te mei kmana naikno na, mare ne thono goghotu fara ka mae Pol ghe mae Banabas. Eghuteuna mare ne cheke fadiꞌadi gobigna lepo te chekedi mae Pol re nei jaola ne cheke faparini mana.

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Jenesis 37:11

Hatimare mae thabusigna thegna mae Josep gre ne goghotu fara ka mana. Nu mae kmagna na ne ghaoghatho ne brahu fara ka gaoghathogna nogna mifi mae Josep na.

Nonomho Te Keli Teke Risoi Mae Mak 15:9

Mae Paelat ne ghusna eghu ka mare, “Ba, ghotilo magnahaghei ghau iara te mala hata fajifla ranghi ghami ghotilo nodi King mae Jiu gre sia?”

Nonomho Te Keli Teke Risoi Mae Mak 15:11

Nu hatimare mae pris ulu gre ne huhurudi naiknore mala toreni mae Paelat mala hata fajiflani mae Barabas ranghidi.