Nonomho Te Keli Teke Risoi Mae Mak 14:72 - Buka Blahi Ka Cheke Holo

⁷² Ka vido te cheke teu mae Pita igne khokorako na neke fapea tanhi. Aonu mae Pita neke ghathoni unha teke cheke eghu mae Jisas ka mana ia, “Ghema Pita, te chekeni iara ka iagho na, iagho ginau bongi na na theome fapea tanhiu khokorako na na thilo fata chekeni te iho ghau iara na.” Mae Pita tanhi ne srudu balu diꞌanagnafa fara.

Nonomho Te Keli Teke Risoi Mae Mak 14:72 ပူးပေါင်းရင်းမြစ်များ

Nonomho Te Keli Teke Risoi Mae Mak 14:30

Mae Jisas ne cheke eghu ka mana, “Ghema Pita, tutuani fara te chekeni iara ka iagho na, iagho ginau bongi na theome fapea tanhiu khokorako na thilo fata chekeni ne iho ghau iara teuna.”

Nonomho Te Keli Teke Risoi Mae Mak 14:68

Mae Pita ne cheke eghu, “Mae, theo! Iara theome laseni unha te chekeni iagho igne.” Aonu mae Pita kegra haghe ne tei rhegna grengatha na. Ka vido tuanala tanhi hila khokorako na.

Profet Esikiel 7:16

Eghuteuna iheire te karha nga teure, ginauna rikha tei holo ka thogele ro, eghuteuna mare ginauna tanhi jateula balhu te tanhi ka gloha ra eghu ka diꞌanagnafa edi nakhibodi re.

Fapea Korin 7:10

Mae ihei te diꞌanagnafa leghuni u puhi te magnahagheni God na, mana tangomana te tughu nagnafa na, eghuteuna God tangomana te fakarhini mana na. Eghume tahati theome tangomana te diꞌa tada ka nafnata puhi tuana. Nu mae ihei te diꞌanagnafa leghuni nogna puhi naikno kolho na, mana tangomana te leheni na.

Luku 22:62

Aonu mae Pita jifla kosi ne tanhi ne srudu balu diꞌanagnafa.

Luku 22:60

Mae Pita ne cheke eghu, “Ghema, iara theome laseni unha te chekeni iagho gne!” Kate cheke teu mae Pita na khokorako na ne taitanhi.

Matiu 26:34

Mae Jisas ne cheke eghu ka mae Pita, “Tutuani fara te chekeni iara ka iagho na. Iagho ginau bongi na, iagho na chekeni ne theome lase ghau iara teuna. Iagho na thilo fata chaghi ghau iara ame taitanhi nga khokorako na eghu.”

Profet Esikiel 36:31

Ka narane tuana, ghotilo ginauna nake ghatho fapulodi gobigna lepo te diꞌa teke fathona ghami themi ka tathagu iara na, eghuteuna ghotilo ginauna theome magnahaghedi puhimi te diꞌa teke edi ghotilo tura.

Profet Esikiel 16:63

Uve, iara ginauna nake togho nigho mala doglo iagho ka tathagu iara na eidi glepo diꞌa te gnafa teke edi iagho ra, eghuteuna kate ghathodi iagho re, iagho ginauna mamaja nou fara na theome chekeni kaisei glepo. Igne nogu cheke iara Lord God.”

Fapea Samuel 24:10

Nu mae Devet ne mamaja nogna fara ka unha te eni thegna kate kaha tela gnafahi mare naiknore, ne tarai eghu ka Lord, “Unha teke eni iara ia thono fameomekro nei thofno diꞌa fara eghu. Lord, hata fadelei nakhibogu gre.”

Nonomho Te Keli Teke Risoi Mae Mak 14:71

Aonu, mae Pita ne funu tibrini thegna ne baubahu ka mare, “Iara theome laseni mae ihei te chekeni ghotilo igne!”