Nonomho Te Keli Teke Risoi Mae Mak 14:65 - Buka Blahi Ka Cheke Holo

⁶⁵ Keha naikno jare ne kmisuni mana. Mare haru tafru phei tathagna mana re ne tutini mana. Mare ne cheke eghu ka mana, “Iagho kaisei mae profet, mae ihei si teke tuti nigho iagho ia?” Mae greireghi re tathaleini mae Jisas ne tei purini mana.

Nonomho Te Keli Teke Risoi Mae Mak 14:65 ပူးပေါင်းရင်းမြစ်များ

Mae Khuru 23:2

Ananias, mae pris biꞌo na, nomhi igne ne cheke ka mae te kegra teu rhegna mae Pol igre mala taponi foflogna mana na.

Jone 19:3

Aonu, mare ne mei koba ke ulugna mae Jisas ne tuturupuku soru ne cheke eghu, “Cheke fakeli nigho, iagho nodi king mae Jiu!” Gnafa teuna, mare lao ne taponi mana.

Profet Isaia 50:6

Kate mei mare te purini thagrugu iara na, iara ke figri lao bakoguna mala tungnu mare gremohogure. Iara theome lhotidi tathagu nei foflogu teure, mala kmisudi mare.

Jone 18:22

Kate cheke eghu mae Jisas na, kaisei mae te reireghi gna Sugablahi te kegra teu jare na mei ne taponi mae Jisas. Mana ne cheke eghu ka mae Jisas, “Ghema, theome tuana nafnata cheke te mala cheke tughu iagho ka mae pris ulu na!”

Nonomho Te Keli Teke Risoi Mae Mak 15:19

Mare ne hata kaisei gaju ne puphuri kmana fata ka pha'u mae Jisas na. Mare ne kmisu ka mana. Aonu mare ne maꞌeni mana, eghuteuna mare tuturupuku ne pogho soru ke ulugna mana.

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Profet Isaia 52:14

Tifa na naiknore neke fakokhoanani mana, eghuteuna tathagna nei foflogna teure neke thofno diꞌa fara neke theome jateula naikno neku filogna na. Eghuteuna naiknore neke jaglo nodi fara kate filoni mana na.

Thoutonu Eigna Mae Job 30:10

Mare tirodi ghau iara, eghume mare mei kmisu kolho ka tathagu iara re.

Nogna Buka Esta 7:8

Kate pulo mei king funugna ka nagare sisi na, mana ne filoni mae Haman te khoko soru ke kligna sape te gnokro teu Esta na. Mana magnahaghei te toreni Esta mala kokhonini. Nu king filoni mana ne eha eghu fabiꞌo, “Tore, mae igne magnahaghei te tapla jafra ka Kuin kate filo teu iara na!” Kate cheke te gnafa king na, nogna mae gloku manare mei ne toku tafru tathagna nei foflogna teu mae Haman re mala laseni eigna mana nate lehe na.

Naba 12:14

Aonu Lord ne cheke eghu ka mana, “Nomi kastom ghotilo na eghu agne, jame mae kmagna na kmisu lao ka tathagna nei foflogna teu naꞌa re, naꞌa ginauna mamaja nogna fara, eghuteuna naꞌa ginauna mala au ke kosigna namono na nabagna fitu narane. Eghume iagho ginauna na chekeni greghamu na mala tei au ke kosigna namono na nabagna kaisei wik. Ke leghugna tuana, ame ke tangomana nga ghotilo teke tei atha fapuloni mala ke au naꞌa balumi ghotilo eghu.”

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Nonomho Te Keli Teke Risoi Mae Mak 10:34

Naikno tuare ginauna maꞌe ghau, kmisu ghau, puri ghau ka phukri nei falehe ghau eghu iara. Eghuteuna ka fatilo narane na iara nake karha fapulo.”

Profet Maeka 5:1

Ghotilo naiknomi Jerusalem! Tahati mala kilo fodu meidi noda soldia tahati ra! Gognarona naoka igre falithui ghitahi! Mare thofno parani nei famamajani eghu fara noda king tahati gne!

Fapea Kronikols 18:23

Aonu profet Sedekaea nomhini igne ne haghe ne taponi Maekaea, ne cheke eghu, “Faꞌunha ne jifla ka iara ne ari cheke ka iagho si Tharunga gna Lord gnea? Cheke igne theome tutuani?”

Matiu 27:30

Mae soldia re ne kmisuni mae Jisas. Aonu mare hata khodo na ka mana ne puphuri ne puphuri ka pha'u mana na.