Nonomho Te Keli Teke Risoi Mae Mak 14:61 - Buka Blahi Ka Cheke Holo

⁶¹ Nu mae Jisas ne theome cheke. Mae pris biꞌo na neke fapea ghusnai ka mae Jisas, “Ba, iagho ngala si mae Kraes Thugna God mae Blahi naia?”

Nonomho Te Keli Teke Risoi Mae Mak 14:61 ပူးပေါင်းရင်းမြစ်များ

Nonomho Te Keli Teke Risoi Mae Mak 15:2

Mae Paelat ne ghusna eghu ka mae Jisas, “Ba, iagho thofno nodi King mae Jiu gre sia ghema?” Mae Jisas ne cheke eghu ka mana, “Uve, te chekenihi iagho tuana.”

Profet Isaia 53:7

“Neuba mare ne parani mana, mana neke theome eni kaisei cheke. Mana nhaꞌa faparini kolho thegna. Mare athani mana jateula sipu majaghani te mala aknu falehe ra neku. Mana jateula sipu te au kmu ra neku kolho kate kuchi mare khaklagna re, mana neke theome eni kaisei cheke.

Jone 19:7

Mae Jiu gre ne eha fabiꞌo ka mae Paelat, “Unha te risoni ka nomi vetula ghehati na, mae igne nabagna te lehe, naugna mana ne kiloni thegna Thugna God.”

Ululahu Pita 2:23

Eghuteuna kate cheke fadiꞌani na, mana neke theome cheke diꞌa fapulo. Kate parani na, mana theome diꞌatagna. Nu mana rouronu ka God mae ihei tangomana te fate naikno ka puhi te doglo.

Jone 10:36

Eghuteuna ka unha gne site ne cheke faparini iara mae Mama teuni ghotilo gnea? Ba, naugna te cheke eghu iara, ‘Iara Thugna God’ teu iara gne? God vahi ghau iara neke kuru mei ghau iara kau nauthoglu gne.

Jone 1:34

Tutuani fara, iara la filonihi. Eghume unha te chekeni iara ka naiknore mae igne ngala thofno mae Thugna God na.”

Matiu 16:16

Ka vido tuana mae Simon Pita ne cheke eghu, “Iagho mae Kraes, Thugna God te karha fabrahu te tifa.”

Matiu 8:29

Phiamare ne filo teini mae Jisas ne eha eghu ka mana, “Thugna God, mei mala faꞌunha ghami ghehati sagho ia? Ba, mei mala para ghami ghehati ame thokei mei nga narane teke kulu lilisei God te mala fate ghami ghehati na neku sagho ia?”

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Nodi Khoje Hatimare Mae Jiu 119:12

Lord God, iara cheke fakeli nigho. Farirhiu ghau iara sagho nou vetulare.

Nodi Khoje Hatimare Mae Jiu 39:9

Gognaro na iara au kmu. Iara na theome gagri kaisei cheke, naugna iagho neke para ghau.

Nodi Khoje Hatimare Mae Jiu 2:7

King na ne cheke eghu, “Gognarona iara na chekeni unha teke chekeni Lord ia. Mana neke cheke eghu ka iara, ‘Iagho mae thugu iara. Funu gognaro gne, iara mae kmamu iagho.

Ululahu Timoti 6:15

God ginauna na fapulo meini mae Kraes ka narane mana thegna teke vahini. God na keli fara nei mana thegna ngala te au nolaghi biꞌo te mala funei frunidi gobigna lepo fateote'o ka nauthoglu gne. Mana ngala te King ke uludi mae King te gnafa nei Lord ke uludi mae funei te gnafa.

Ululahu Timoti 1:11

Tuana farirhiu leghuni u Nonomho te Keli God teke tusu mei ka iara mala toutonu iara. Nonomho te Keli igne siasigla balu nolaghi biꞌo neke mei funu ka God mae ihei te blahi fara.

Mae Khuru 8:32

Igne u phugra cheke blahi teke iu'ijuni mae biꞌo na, “Mana jateula kaisei sipu te hata te tei mare te mala falelehe ia eghu. Mana au kmu jateula kaisei sipu te theome tanhi kate kuchi mare khaklagna na. Mana theome chekeni kaisei cheke.

Jone 19:9

Aonu, mana neke ruma lamna suga ne ghusna eghu ka mae Jisas, “Iagho neke mei funumu aheva sia?” Mae Jisas ne theome cheke tughu ka mana.

Jone 18:37

Mae Paelat ne cheke eghu ka mana, “Eghume, iagho mae King eghu?” Mae Jisas ne cheke eghu ka mana, “Uve, te chekeni teu ngala iagho themu tuana, iara mae King. Iara neke karha mei ka nauthoglu igne mala cheke thakleni unha te tutuani na. Mae ihei te magnahaghei leghuni unha te tutuani na, fanomho ka iara.”

Jone 10:24

Hatimare mae Jiu ne kafe khapru mei ka mae Jisas ne cheke eghu ka mana, “Ghema, iagho faraugha ghami ghehati. Faghose cheke mei sagho mala lase nigho ghehati. Iagho ngala si mae Kraes na ia, ba theo?”

Nonomho Te Keli Teke Risoi Mae Mak 14:60

Aonu, mae pris biꞌo na kegra haghe ke uludi mare ne ghusna eghu ka mae Jisas, “Ba, iagho theo kaisei nou cheke tughu si ka fathoro te edi mare ranghi nigho iagho igrea?”