Nonomho Te Keli Teke Risoi Mae Mak 14:6 - Buka Blahi Ka Cheke Holo

⁶ Mae Jisas ne cheke eghu ka mare, “Tore, lisa laoni. Thosei faroreni naꞌa. Thono glepo keli fara te eni naꞌa ka iara na.

Nonomho Te Keli Teke Risoi Mae Mak 14:6 ပူးပေါင်းရင်းမြစ်များ

Hibru 13:21

Iara toreni God mala tusu ari glepo keli te gnafa ka ghotilo, mala tangomana ghotilo te edi unha te magnahaghedi mana re. Eghuteuna iara jaola toreni God ka nogna nolaghi mae Jisas Kraes, mana na edi unha te keli tagnadi thegna ke lamnami ghehati. Eghuteuna tahati ginauna na kilo fnaknoni mae Jisas Kraes tifa tifa. Amen.

Hibru 10:24

Tahati mala ghaoghathodi koba unha te mala faheta ghita theda kau namha nei gloku te keli.

Taetus 3:14

Uve ghema Taetus, glepo leghu lahu na igne, famane farirhiudi naikno khiloau te au Krit are mala thosei thodo ka unha gloku te kelire, nei thosei fiti au kolho eghu. Nu mare mala loku nei toghodi langau eghu naikno te kumare.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Fapea Timoti 2:21

Nogna naikno God re jateula tuana eghu. Eigna ihei te faklinoni thegna ka glepo te diꞌa te chekedi iara igre, mana jateula kaisei glepo ulu eghu, naugna mana ginauna au ka nakarha te klino. Eghuteuna mana ginauna tarabana mala eni unha gloku te keli ranghini Lord.

Efesus 2:10

Gognaro na God nake vuavuha fapulo ghita eghuteuna tusu ranghi ghita u karha majaghani kate salo fodu ghita balugna mae Jisas Kraes. Mana neke eni igne mala tangomana tahati te edi unha gloku te keli teke kulu tarabana thegna te mala edi tahatire.

Mae Khuru 9:36

Ka namono Jopa jare kaisei naikno khiloau nanghagna na Tabita. Nanghagna naꞌa ka cheke Griki na, “Dokas”. Naꞌa edi koba glepo te keli mala toghodi naikno te kumare.

Matiu 26:10

Nu mae Jisas ne laseni unha te chekeni mare na, ne cheke eghu ka mare, “Naugna unha si ghotilo te diꞌatami ka gaꞌase ignea? Naꞌa eni glepo te keli fara igne ranghi ghau iara.

Taetus 3:8

U farirhiu te edi iara igre glepo tutuani fara. Nu iara magnahaghe nigho te hati nhetamu na mala famane farirhiudi naikno te fatutuani ni God are. Aonu iagho mala ghatho tahuni fabrahu mare te mala eni unha glepo te keli na eghu naugna unha glepo te keli na ngala te tangomana te toghodi keha naiknore.

Taetus 2:7

Jaola, iagho themu na mala edila glepo te keli igre mala filo leghu nigho goro mae majaghani are. Nu kate farirhiudi iagho naiknore, iagho famane gaoghatho fakeli ngau eghu.

Fapea Timoti 3:17

Ka puhi igne tahati nogna naikno God ra ginauna nabada fara te edi gloku te keli fateote'o.

Ululahu Timoti 6:18

Timoti, iagho cheke faheta ka mare mala edi mare glepo te kelire, eghuteuna sasaꞌa mala toghodi keha naiknore nei tufa unha te au ka mare. Nafnata gloku te keli igre ngala, jateula te nodi dedei mare na.

Ululahu Timoti 5:10

Eghuteuna naiknore filo glani naꞌa tangomana te edi gloku te kelire. Nafnata gloku jateula igre eghu te mala reireghi fakeli thugna, nei farumadi naikno phosa ka sugagna na, nei fafnaknodi naikno khiloaure kate titihi ghahedire, nei mala toghodi naikno te au puhi biꞌo ka nakarhadire. Uve, nafnata thau te fariuriu edi fabrahu thua nafnata gloku te keli.

Kolose 1:10

Aonu ghotilo ginauna au ka nafnata nakarha te doglo fara ke ulugna Lord nei jaola fagleꞌani mana ka puhimire. Ghotilo tangomana te edi kmana nafnata gloku te keli nei lase fakelini God.

Fapea Korin 10:18

Eigna mae ihei Lord te ghatho tahuni na, mana ngala te magnahagheni God na, theome mae ihei te ghatho tahuni thegna na.

Fapea Korin 9:8

God tangomana te tufa te salaꞌui unha te nabami ghotilo re. Eghuteuna igne kaisei fablahi biꞌo fara ka ghotilo! Ghotilo ginauna au kmana nomi gobigna lepo fabrahu, eghuteuna ghotilo jaola tangomana te au naba glepo te mala tufa ka gloku keli te gnafare.

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Ululahu Pita 2:12

Gognaro na naikno te theome fatutuani ni God re cheke fadiꞌa ghami ghotilo fabrahu. Eghume puhimi ghotilo re mala keli nei doglo eghu ka tathadi naikno tuare mala tangomana mare te filodi glepo te keli te edi ghotilo re. Te eghu ghotilo na, ka narane ke pulo meigna mae Kraes na mare ginauna kilo fnaknoni God eidi puhimi ghotilo teke cheke fadiꞌadi mare tifa ra.

Nonomho Te Keli Teke Risoi Mae Mak 14:5

Jame te fofoli na, ginauna thokeni tabagna kaisei finogha. Eghuteuna sileni tuana mala tufa nodi naikno te kuma.” Aonu mare ne cheke fadiꞌani naikno biꞌo na.

Nonomho Te Keli Teke Risoi Mae Mak 14:7

Naikno te kuma gre au fabrahu balumi ghotilo, eghume ghotilo tangomana te mala toghodire nafnata naikno igre ka narane aheva te magnahaghei ghotilo na. Nu iara gne ginauna na theome au fabrahu balumi ghotilo.