Nonomho Te Keli Teke Risoi Mae Mak 14:58 - Buka Blahi Ka Cheke Holo

⁵⁸ “Ghehati nomhini mae igne neke cheke eghu, ‘Iara ginauna na paꞌe Sugablahi teke hohoro kolho naikno igne. Eghuteuna ke leghu thilo narane, iara ginauna nake hohoro fapulo kaisei Sugablahi majaghani teke theome hohoro naikno na.’ ”

Nonomho Te Keli Teke Risoi Mae Mak 14:58 ပူးပေါင်းရင်းမြစ်များ

Hibru 9:11

Nu mae Kraes mae pris biꞌo na hata la meihi glepo te keli ka tahati gognaro gne. Mana rumahi ka chogho te blahi fara teke theome horo naikno nei theome nogna nauthoglu igne. U chogho tuana te au ka suga tapuale gna kligna te ulu nei klino ke tulao gna suga tapuale tifa na.

Fapea Korin 5:1

Tahati laseni kate lehe kau nauthoglu gne tahati tangomana te tei au ka thini majaghani te tusu ranghi ghita God kligna na. God ginauna nake vuavuha thini tahati gne mala au fabrahu. Naikno na theome tangomana te vuavuha thini tuana.

Jone 2:19

Mae Jisas ne cheke eghu ka mare, “Jame paꞌe soru ghotilo Sugablahi igne na, iara ginauna ke babana fapulo ka fatilo narane na.”

Hibru 9:24

Mae Kraes theome ruma ka suga tapuale teke hohoro kolho ka khame naikno te thotoghale gna kolho chogho aheva te au God na. Theo. Nu mana gognaro na la rumahi kligna ka vido aheva te au God mala cheke ka God eida tahati.

Mae Khuru 7:48

“Nu God te au kligna na theome au ka suga te hohoro naiknore. Igne unha teke chekeni kaisei mae profet na,

Nonomho Te Keli Teke Risoi Mae Mak 15:29

Naikno te sala'u jare na thono ngingiridi fara ne naghoni mae Jisas. Mare ne bliubliu pha'udire ne cheke eghu, “Ao sao! Ghema, iagho neke chekeni iagho tangomana te paꞌe soru Sugablahi na, eghuteuna ke babana fapulo ke lamnadi thilo narane teku ia!

Profet Daniel 2:34

Uve, kate filo teu iagho na, kaisei thina biꞌo neke phili funu holo ne sukha thegna ka phei ghahegna teke hohoro ka aean balu glose ukru igre ne klopa.

Profet Daniel 2:45

Thina biꞌo te phili funu ka thogelero te soru thegna te goigonidi gol, nei silva, nei bras, nei aean, nei glose teu igre, fagaglana gna God mae ihei te au nolaghi fateote'o igne te fakakhana ka iagho unha nate thoke mei ginauna. Eghuteuna gaoghathodi unha te filodi iagho igre ginauna thoke mei tutuani fara.”

Matiu 26:61

“Ghehati nomhini mae igne neke cheke eghu, ‘Iara tangomana te paꞌe soru nogna Sugablahi God igne, eghuteuna ke babana fapulo ke lamnadi thilo narane.’ ”

Nonomho Te Keli Teke Risoi Mae Mak 14:57

Aonu, keha naiknore kegra haghe ne chaghi eigna mae Jisas. Mare ne cheke eghu,

Nonomho Te Keli Teke Risoi Mae Mak 14:59

Nu neuba ngau, thoutonu te edi mare ranghini mana igre theome kaisei nanaba ngala.