Nonomho Te Keli Teke Risoi Mae Mak 14:55 - Buka Blahi Ka Cheke Holo

⁵⁵ Hatimare mae pris ulu nei hatimare mae tothoghei fate teure ne fariuriu hirodi keha glepo teke edi fadiꞌa mae Jisas re mala tangomana mare te faleheni mana na. Nu mare ne theome filoni kaisei glepo te mala faleheni mana na.

Nonomho Te Keli Teke Risoi Mae Mak 14:55 ပူးပေါင်းရင်းမြစ်များ

Matiu 5:22

Nu te chekeni iara ka ghotilo gognarona, mae ihei te diꞌatagna fara ka mae kheragna fofodu na, mare ginau na hatani mana kau fate. Eghuteuna mae ihei te cheke fadiꞌani mae kheragna fofodu na, mare na hatani mana kau fate ke uludi hatimare mae biꞌo. Eghuteuna mae ihei te cheke nolini mae kheragna fofodu na, mana ginauna tei Gehena kau khaꞌaghi te karha fabrahu na.

Profet Daniel 6:4

Keha phei mae funei igre, baludi mae minista te gnafa igre ne fariu riu hirodi keha najafra ka nogna gloku mae Daniel re. Nu mare theome tangomana te filoni kaisei najafra ka nogna gloku mana igre. Naugna nogna gloku manare thofno keli fara. Mana theome tangomana te chaghi na, ba te eni kaisei najafra na.

Nodi Khoje Hatimare Mae Jiu 35:11

Naikno te diꞌa igre mare fathoro mei ka iara keha puhi te diꞌa teke theome edi iara re.

Nodi Khoje Hatimare Mae Jiu 27:12

Thosei snakre lao ghau ka khamedi nogu naoka gre mala magri ghau ka nodi cheke te chaichaghi nei ka nodi cheke te nheta eghu te famamhagu ghau iara gre.

Ululahu Kings 21:13

Aonu mare hata ne mei phei mae te mala cheke chaichaghi igre ne gnokro rhegna mana, eghuteuna phiamare ne funu cheke chaghi eigna mana ke uludi hatimare mae biꞌo, ne cheke eghu, “Mae igne cheke faparini God nei jaola cheke faparini king.” Aonu mare hatani mae Nebot ne tei ke kosi namono biꞌo ne fada faleheni mana ka thina.

Ululahu Kings 21:10

Ghotilo hata mei phei mae mala vuavuha cheke, phei mae igre mala gnokro rhegna mana mala cheke faparini mana ke uludi hatimare mae biꞌo. Phiamare mala cheke chaghi eigna mana te cheke faparini God nei jaola cheke faparini king. Eghuteuna ghotilo hata fajiflani mana mala fada falehe ka thina.”

Nonomho Te Keli Teke Risoi Mae Mak 14:56

Kmana naikno mei ne toutonu chaghi eigna mae Jisas. Nu thoutonu te edi mare igre theome kaisei nanaba.

Jone 18:19

Mae pris biꞌo na ne funu ghusnani mae Jisas eidi nogna mae fanomho manare, nei nogna farirhiu te edi mana ka naiknore.

Jone 18:21

Naugna unha sagho te ghusna ghau iara gnea? Ghusnadi sagho naikno teke nomhidi nogu farirhiu iara re. Mare lasedihi unha teke chekedi iara re.”