Nonomho Te Keli Teke Risoi Mae Mak 14:54 - Buka Blahi Ka Cheke Holo

⁵⁴ Mae Pita thoghei ne tei ke leghudi mare ne tei ruma ka glalabagna suga biꞌo mae pris biꞌo na. Mana gnokro jare baludi mae greireghi re peha neu ka khaꞌaghi na.

Nonomho Te Keli Teke Risoi Mae Mak 14:54 ပူးပေါင်းရင်းမြစ်များ

Jone 18:18

Ka bongi tuana thono rifu fara. Aonu hatimare mae gloku, nei hatimare mae soldia te reireghi gna Sugablahi na eghu ne ifu khaꞌaghi na peha neu. Mae Pita kegra peha neu jare baludi mare.

Matiu 26:3

Hatimare mae pris ulu nei hatimare mae biꞌodi mae Jiu eghu ne eni kaisei faidu ka sugagna mae Kaefas, mae pris biꞌo na.

Jone 18:25

Mae Pita kegra peha neu ka khaꞌaghi na ke kosigna suga mae pris biꞌo na. Eghuteuna, keha naikno te filoni mae Pita re ne cheke eghu ka mana, “Iagho kaisei nogna mae fanomho mae igne sia?” Mae Pita chaghi ne cheke eghu, “Theo, iara theo.”

Luku 22:44

Mae Jisas ne tarai faheta fara naugna mana ne diꞌanagnafa fara. Eghuteuna buibuhigna mana re ne jateu dadara neu, ne khoko soru ka glose na.

Nonomho Te Keli Teke Risoi Mae Mak 14:38

Mana ne cheke eghu ka thilomare, “Dofrau nei tarai eghu, mala theome khale ghami fariuriu. Naugna gaoghathomu iagho na magnahaghei eni unha glepo te doglo na, nu thinimu iagho na nigra fara.”

Matiu 26:58

Mae Pita leghuni mae Jisas, nu mana theome namo ka mana. Eghuteuna, mae Pita tei ne thoke ka sugagna mae pris biꞌo na. Mana gnokro ka glalabagna nogna suga mae pris biꞌo na baludi mae greireghi gna Sugablahi na mala filoni unha nate eni mare ka mae Jisas.

Ululahu Kings 19:13

Kate nomhini profet Elija naogla igne, mana ne toku tafru tathagna nei foflogna teure ne jifla mei ne kegra ke ulugna gluma thina igne. Aonu mana ne nomhini Lord ne cheke eghu mei ka mana, “Ghema Elija, unha te mei eni iagho agne na?”

Ululahu Kings 19:9

Ka vido igne mana tei ne ruma ka kaisei gluma thina ne au neu jare. Aonu Lord ne ghusna eghu ka mana, “Elija! Iagho mei eni unha agne?”

Ululahu Samuel 13:7

Kehare rikha ne tei kasa ka Khoꞌu biꞌo Jordan mala tei ka nohi Gad, ghe Gilead. King Sol au neu ka namono Gilgal, eghuteuna mae soldia te au teu balugna mana igre ne mhaghu nodi ne fififri fara.

Nonomho Te Keli Teke Risoi Mae Mak 14:66

Mae Pita gnokro neu pari ka glalabagna suga na. Eghuteuna kaisei gaꞌase te loku ka mae pris biꞌo na ne mei.

Luku 22:54

Aonu mare ne lokini mae Jisas hatani mana ne tei ka sugagna mae pris biꞌo na. Mae Pita ne tei ke leghudi mare, nu mana theome tei namo ka mare.