Nonomho Te Keli Teke Risoi Mae Mak 14:50 - Buka Blahi Ka Cheke Holo

⁵⁰ Aonu nogna mae fanomho manare ne kafe rikha ne tei kokoni mana.

Nonomho Te Keli Teke Risoi Mae Mak 14:50 ပူးပေါင်းရင်းမြစ်များ

Nonomho Te Keli Teke Risoi Mae Mak 14:27

Aonu, mae Jisas ne cheke eghu ka nogna mae fanomhore, “Ghotilo ginauna na kafe rikha koko ghau iara. Igne unha teke chekeni God ka grioriso te blahi na, “ ‘Iara ginauna faleheni mae greireghi sipu na, eghuteuna tothoghei sipu na ginauna kafe rikiraka tafri.’

Jone 16:32

Fanomho ghotilo ia. Narane te mala sopa thei ghotilo na la namohi. Ka narane tuana ghotilo ginauna kafe tei koko ghau iara nake pulo ka nomi namono themi re. Narane tuana agne hi gognarona. Nu iara ginauna theome au thegu eghu, naugna mae Kmagu iara na au balugu iara.

Fapea Timoti 4:16

Ulu lahu te hata ghau iara mare ka fate na, theo kaisei naikno te togho ghau iara na. Thono theo fara. Mare kafe tei koko ghau iara, nu iara taraidi mare mala ghatho ihodi God najafra teke edi mare re eghu.

Nodi Khoje Hatimare Mae Jiu 88:18

Iagho neke toghodi mae kheragu fofodu nei mae mala kaisei cheke teu iara re, mare jaola tei koko ghau iara. Gognaro na iara theo kaisei kheragu fofodu, eghume iara khogla ofoniu kolho glehegu na.

Nodi Khoje Hatimare Mae Jiu 38:11

Kheragu nei vikegu teu iara re tirodi te mei namo te filodi thubugu iara re. Tharaknagu thofno iara na jaola tirodi te mei gnokro balugu iara na.

Jone 18:8

Mae Jisas ne cheke eghu ka mare, “Iara la chekehi ka ghotilo, iara ngala mana na! Mei hari ghau iara teu ghotilo na snakredi nogu mae fanomho iara gre mala tei nodi mare.”

Profet Isaia 63:3

Lord ne cheke eghu, “Iara neke tapla faparidi kmana kantri jateula mae te tapla ke kligna grep, nu theo kaisei mae te togho ghau iara teura eghu. Iara tapla ke klignadi mare, naugna iara ne diꞌatagu fara ka mare, eghuteuna dadaradi mae igre te ukru nogu pohe iara na.

Nonomho Te Keli Teke Risoi Mae Mak 14:49

Leuleghu narane na iara au ngala balumi ghotilo, farirhiu ngala ke lamna Sugablahi, eghuteuna ghotilo theome loki ghau ngala iara jare. Nu glepo igre edi mala horoghoto kau grioriso te blahi ia.”

Nonomho Te Keli Teke Risoi Mae Mak 14:51

Kaisei mae majaghani pipichi pohe lavalava ne tei ke leghugna mae Jisas. Kate mala lokini mana teu mare na,