Nonomho Te Keli Teke Risoi Mae Mak 14:44 - Buka Blahi Ka Cheke Holo

⁴⁴ Mae Judas ne kulu cheke ranghidi mare kaisei fagaglana. Mana ne cheke eghu ka mare, “Mae ihei te lao gnanghoni iara na, ngala mae Jisas na. Lolhoku famaku mala hata tei.”

Nonomho Te Keli Teke Risoi Mae Mak 14:44 ပူးပေါင်းရင်းမြစ်များ

Proveb 27:6

Iagho tangomana te rouronuni mae kheramu te fadogli nigho na, nu fiofilo nighoi ka mae naoka te fariuriu famaemahe nigho na.

Eksodas 12:13

U dadara te ghiha ghotilo ka nomi sugare igne falalase ghau iara aheva te au teu ghotilo na. Kate filoni iara u dadara igne na, iara na ghasa polho ghami ghotilo. Eghuteuna ghotilo ginau na theome nanga nomi kau glehe nate eni iara ranghidi naiknodi Ijep gre.

Fapea Tesalonika 3:17

Iara mae Pol riso kubae ranghi ghami ghotilo ka khamegu thegu. Nogu letas te gnafare iara saen nanghagu na leghu lahu mala laseni teke funu ka iara. Igne puhi te eni koba iara na.

Filipae 1:28

Eghuteuna thosei mhaghudi iheire te theome magnahaghei ghami ghotilo na, nu te keli na kegra maku koba. Te eni ghotilo tuana na, mare ginauna laseni te theo kaisei nodi nolaghi te mala falehe ghami ghotilo na. Nu mare ginauna laseni God ngala te au nolaghi te mala fakarhi ghami ghotilo na nei paradi mare.

Josua 2:12

“Gognarona iara magnahaghei ghami ghopa te eni kaisei nhaꞌa cheke ka nanghagna nomi God na mala theome eni kaisei glepo te diꞌa ka iara baludi tharaknagu iara igre, jateula te eni iara ka ghopa gognarogne eghu. Ghopa na eni kaisei fagaglana ranghi ghau iara mala tutuani nomi nhaꞌa cheke na.

Mae Khuru 16:23

Aonu kate puri fadiꞌadi mae Pol ghe mae Silas gre, mare ne koko laodi phiamare ka suga sosolo na. Eghuteuna mare ne cheke ranghini mae greireghi suga sosolo na mala reireghi fakelidi phiamare.

Matiu 26:46

Kegra haghe, tei noda! Filo si ghotilo, igne tela mei mae ihei nate snakre lao ghau iara ka khamedi mae te diꞌare!”

Nonomho Te Keli Teke Risoi Mae Mak 14:43

Kate cheke teu mae Jisas na, mae Judas ne posa mei. Mae Judas gne kaisei mae ka hatimare nabotho phei mae fanomhore. Kmana naikno ne hata ne mei naflahi nei nanala eghu balugna mae Judas. Eghuteuna mae pris ulu nei mae velepuhigna vetula nogna mae Moses nei keha mae biꞌo eghu teke kuru meidire.

Nonomho Te Keli Teke Risoi Mae Mak 14:45

Aonu mae Judas ghosei ne tei ka mae Jisas ne cheke eghu, “Ghema Velepuhi!” Eghuteuna gnanghoni mana.