Nonomho Te Keli Teke Risoi Mae Mak 14:33 - Buka Blahi Ka Cheke Holo

³³ Nu mana ne hata balugna mae Pita, mae Jemes nei mae Jone. Aonu mae Jisas ne funu diꞌanagnafa fara, eghuteuna gaoghathogna mana na ne thono romno fara.

Nonomho Te Keli Teke Risoi Mae Mak 14:33 ပူးပေါင်းရင်းမြစ်များ

Luku 22:44

Mae Jisas ne tarai faheta fara naugna mana ne diꞌanagnafa fara. Eghuteuna buibuhigna mana re ne jateu dadara neu, ne khoko soru ka glose na.

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Nonomho Te Keli Teke Risoi Mae Mak 5:37

Mae Jisas ne snakredi kolho mae Pita, mae Jemes nei mae Jone tahigna mae Jemes te tei balugna ka suga mae Jaerus na.

Nodi Khoje Hatimare Mae Jiu 38:11

Kheragu nei vikegu teu iara re tirodi te mei namo te filodi thubugu iara re. Tharaknagu thofno iara na jaola tirodi te mei gnokro balugu iara na.

Nonomho Te Keli Teke Risoi Mae Mak 9:2

Ke leghu namno narane mae Jisas ne hata balugna mae Pita, mae Jemes nei mae Jone, ne haghe ka thogele na. Mare au neu thedi jare. Kate filo lao thilomare na thinigna mae Jisas na ne tughu.

Profet Isaia 53:10

Lord ne cheke eghu, “Nogu gaoghatho iara, te mala au papara nei lehe teu mae igne. Glehegna mae igne, kaisei fafara mala atha koko nakhibo, mala tangomana te filoni iheire nate karha mei ke leghugna manare. Nakarhagna mae igne ginauna brahu, eghuteuna naugna unha te edi mana re, nogu gaoghatho iara igne ginauna thoke mei tutuani.

Nonomho Te Keli Teke Risoi Mae Mak 9:15

Nu kate filoni mae Jisas na naiknore ne rhana nodi fara ne chari ne mei ne ludeni mana.

Nonomho Te Keli Teke Risoi Mae Mak 16:5

Rehati ruma ka gluma na ne filoni kaisei mae majaghani te fahaghe phoko vegha gnokro neu ka gluma na. Mana gnokro neu fei nhetadi reꞌe. Rehati filoni mana ne mhaghu nodi fara.

Nonomho Te Keli Teke Risoi Mae Mak 16:6

Mae majaghani igne ne cheke eghu ka reꞌe, “Thosei mhaghu. Iara lase ghami ghotilo, ghotilo mei hironi mae Jisas gna Nasaret, mae ihei teke tupijuruni mare kau gaju fafatha ia. Mana theome au agne, mana na kela karha fapulohi. Mei si ghotilo agne mala filoni vido aheva mare teke liliseini mana na.