Nonomho Te Keli Teke Risoi Mae Mak 14:31 - Buka Blahi Ka Cheke Holo

³¹ Mae Pita ne cheke eghu balu faheaheta, “Neubane lehe iara balumu iagho, iara ginauna na theome chekeni ne iho iagho teuna!” Keha mae fanomhore jaola ne kafe cheke eghu.

Nonomho Te Keli Teke Risoi Mae Mak 14:31 ပူးပေါင်းရင်းမြစ်များ

Jone 13:37

Mae Pita ne cheke eghu ka mana, “Lord, naugna unha site theome tangomana iara te leghu nigho iagho gognaro na ia? Tutuani fara, iara tarabana mala lehe ranghi nigho iagho.”

Eksodas 19:8

Naiknore ne kafe cheke eghu, “Ghehati ginauna edi gobigna lepo te chekedi Lord igre.” Aonu mae Moses ne atha nodi cheke naiknore neke pulo ka Lord.

Profet Jeremaea 17:9

Ihei te lase fakelini gaoghathogna naikno na? Gaoghathogna naikno na jateula kaisei fogra biꞌo te theome tangomana kaisei naikno teke famafoni ra eghu. Thiꞌagna naikno na fodu ka chaichaghi. Ihei te lase fakelini nagnafagna naikno na?

Profet Jeremaea 10:23

Lord, te laseni iara na, theo kaisei naikno ka ghehati te naba te mala batu ghami te mala leghuni nabrou te magnahagheni ghehati na.

Proveb 29:23

Naiknore ghatho tahuni mae ihei te nhaꞌa faparini thegna na, mae te fahaehaghe na ginauna mamaja nogna fara.

Proveb 18:24

Mae te au kmana kheragna na mana theo nafugna kolho. Nu thofno kheramu na, keli fara salaꞌuni thabusimu na.

Proveb 16:18

Fahaehaghe na mei ului, puhi biꞌo na mei ke leghu. Patugama na mei ului, uka na mei ke leghu.

Fapea Kings 8:13

Nu mae Hasael ne cheke eghu, “Iara jateula khuma eghu kolho! Faꞌunha eghu edi iara glepo igre?” Mae Elisa ne cheke eghu, “Lord neke fakakhanahi ka iara iagho nate king gna Siria.”

Nodi Khoje Hatimare Mae Jiu 30:6

Tifa kani au fakeli nogu teku iara na, iara neke cheke eghu, “Theome tangomana kaisei glepo nate mei tapla fapari ghau iara na.”

Matiu 10:33

Nu ihei te kegra haghe ke uludi naiknore te tirogna chekeni te fatutuani ghau iara, iara ginauna tirogu cheke eigna mana ka mae Mama kligna. Mana ginauna theome nogu mae gloku iara.”

Nonomho Te Keli Teke Risoi Mae Mak 14:30

Mae Jisas ne cheke eghu ka mana, “Ghema Pita, tutuani fara te chekeni iara ka iagho na, iagho ginau bongi na theome fapea tanhiu khokorako na thilo fata chekeni ne iho ghau iara teuna.”

Nonomho Te Keli Teke Risoi Mae Mak 14:32

Aonu mare tei ne posa ka kaisei vido te kiloi Getsemani. Mae Jisas ne cheke eghu ka nogna mae fanomhore, “Ghotilo gnokrou agne kate tei tarai iara na.”

Luku 23:23

Nu mare heta ghedi fara ne eha fabiꞌo. Mare magnahagheni fara mae Jisas te tupijuru ka gaju fafatha. Aonu leghu lahu na mare ne tangomanadi.

Ululahu Kings 11:22

Aonu King ne cheke eghu ka mana, “Naugna unha sagho teke magnahaghei pulo ka nou kantri na gnea? Ba iagho kmoꞌe ka glepo kate au balugu iara na sia?” Mae Hadad ne cheke eghu, “Iara theome kmoꞌe ka kaisei glepo kate au teu agne na, nu iara magnahaghei nigho iagho te snakre tei ghau iara.”

Nonomho Te Keli Teke Risoi Mae Mak 10:39

Phiamare ne cheke eghu ka mae Jisas, “Uve, ghepa tangomana.” Mae Jisas ne cheke eghu ka phiamare, “Tutuani fara, ghopa ginauna au papara jateula nafnata na au papara nate eni iara gne eghu.