Nonomho Te Keli Teke Risoi Mae Mak 14:20 - Buka Blahi Ka Cheke Holo

²⁰ Mae Jisas ne cheke eghu ka mare, “Kaisei mae ka ghotilo nabotho phei mae igre, mae ihei nate titihi ghegna bret na balugu iara ka dis igne.

Nonomho Te Keli Teke Risoi Mae Mak 14:20 ပူးပေါင်းရင်းမြစ်များ

Jone 13:26

Mae Jisas ne cheke eghu ka mana, “Iagho ginauna filoni mae ihei nate atha ka iara te ghamu bret te titihi iara kau susupu na. Mae tuana ngala nate majora ghau iara na.” Aonu mae Jisas ne atha bret na ne titihi kau susupu na, ne tusu lao ka mae Judas Iskariot, thugna mae Simon.

Jone 6:71

Mae Jisas cheke eigna mae Judas, thugna mae Simon Iskariot. Mae Judas gne kaisei mae ka hatimare nabotho phei mae nogna fanomho gre. Nu mana ngala nate majorani mae Jisas na.

Luku 22:47

Ka vido cheke teu mae Jisas na, kaisei tothoghei naikno ne posa mei. Mae Judas, kaisei mae ka hatimare nabotho phei mae fanomhore, baubatudi mare ne mei. Eghuteuna mae Judas lao rhegna mae Jisas ne gnanghoni mana.

Nonomho Te Keli Teke Risoi Mae Mak 14:43

Kate cheke teu mae Jisas na, mae Judas ne posa mei. Mae Judas gne kaisei mae ka hatimare nabotho phei mae fanomhore. Kmana naikno ne hata ne mei naflahi nei nanala eghu balugna mae Judas. Eghuteuna mae pris ulu nei mae velepuhigna vetula nogna mae Moses nei keha mae biꞌo eghu teke kuru meidire.

Matiu 26:47

Kate cheke teu mae Jisas igne, mae Judas ne posa mei. Mae Judas gne kaisei mae ka hatimare nabotho phei mae fanomho igre. Kmana naikno hata ne mei naflahi nei nanala eghu balugna mae Judas. Eghuteuna mae pris ulu nei keha mae biꞌo eghu teke kuru meidire.

Matiu 26:23

Mae Jisas ne cheke eghu ka mare, “Mae ihei nate titihi ghegna bret na ka dis na balugu iara, mae tuana ngala nate majora ghau iara na.

Proveb 19:24

Neuba mae te thodo na ne nhaꞌa gano ka tapera na, mana theome tangomana te nhaꞌa lao gano ka foflogna na.

Nonomho Te Keli Teke Risoi Mae Mak 14:19

Mae fanomhore ne diꞌanagnafadi fara kate nomhini igne. Mare ne sopagna cheke eghu ka mae Jisas, “Theome iara!”

Nonomho Te Keli Teke Risoi Mae Mak 14:21

Iara mae teke mei funu ka God na ginauna tei lehe jateula te chekeni kau grioriso te blahi naia eghu. Nu kokhonini fara mae ihei nate snakre lao ghau iara ka khamedi nogu mae naoka iara re. Nabagna na mae tuana jame neke theome karha kolho!”