Nonomho Te Keli Teke Risoi Mae Mak 14:12 - Buka Blahi Ka Cheke Holo

¹² Narane ululahu Gaghamu gna Bret te Theo Isi gna na, ka narane tuana la mae Jiu gre ne falelehe sua sipu te mala ghamu ka Gaghamu Ghasa-Polho na. Aonu nogna mae fanomho mae Jisas gre ne ghusna eghu ka mana, “Ba, ka vido aheva iagho te magnahaghei ghami ghehati te mala tei tarabana Gaghamu Ghasa-Polho malamu iagho naia?”

Nonomho Te Keli Teke Risoi Mae Mak 14:12 ပူးပေါင်းရင်းမြစ်များ

Eksodas 12:18

Gaghamu eigna Bret te Theo Isi gna igne fufunu fei grafi ka nabotho fati gna nhigra ulu lahu na ghilei tei gnafa ka grafi gna narane varadaki kaisei.

Eksodas 12:6

Kaisei tharakna teuna mare mala famane tathaji fakeli u sipu ba nanigot teke vavahi thedire ghilei thokeni grafi gna nabotho fati narane gna nhigra igne. Ka grafi gna narane tuana goro mae biꞌo re ginau na aknu falehe sipu ba nanigot.

Eksodas 12:8

Ka bongi tuana, ghotilo na gogoꞌo u nafnahi gna sipu ba u nanigot na ka khaꞌaghi. Eghuteuna ghotilo ima nafnahi balu khuromu te raha, nei bret te theo isi gna.

Galesia 4:4

Nu kate mei thofno narane na, God neke kuru mei Thugna. Mana neke karha mei ka kaisei gaꞌase, eghuteuna mana neke au leghuni nogna vetula mae Moses.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Matiu 3:15

Aonu mae Jisas ne cheke eghu ka mae Jone, “Eni sagho gognarona. Naugna ka igne na tapa eni unha te magnahagheini God na.” Mae Jone ne faꞌuveni mana.

Diutronomi 16:5

“Ghotilo thosei fiti fafara tafri Gaghamu Ghasa-Polho igne ka namono teke tusu ari Lord nomi God ka ghotilo are.

Nonomho Te Keli Teke Risoi Mae Mak 14:1

Phia narane te au na ame thokedi nga narane Gaghamu Ghasa-Polho ghe Gaghamu gna Bret te Theo Isi gna na. Hatimare mae pris ulu nei hatimare mae velepuhigna vetula nogna mae Moses teu gre fariuriu hiro puhi poru te mala lokini mae Jisas te mala faleheni mana na.

Nonomho Te Keli Teke Risoi Mae Mak 14:11

Mare ne keli tadi fara kate nomhini unha te chekeni mae Judas igne. Mare nhaꞌa cheke ka mae Judas mala tusu ranghini mana keha sileni. Aonu funu ka narane tuana mae Judas ne ofoni narane aheva nate snakre laoni mae Jisas ka mare na.

Nonomho Te Keli Teke Risoi Mae Mak 14:13

Aonu mae Jisas me kuru teidi phei nogna mae fanomhore, ne cheke eghu, “Ghopa tei ka namono biꞌo gno, eghuteuna ghopa ginauna thafoni kaisei mae te pala kaisei botol khoꞌu. Ghopa tei ke leghugna mana.