Nonomho Te Keli Teke Risoi Mae Mak 14:10 - Buka Blahi Ka Cheke Holo

¹⁰ Aonu mae Judas Iskariot, kaisei mae ka hatimare nabotho phei mae fanomho igre, ne tei cheke ka mae pris ulure. Mae Judas magnahaghei te snakre laoni mae Jisas ka mare.

Nonomho Te Keli Teke Risoi Mae Mak 14:10 ပူးပေါင်းရင်းမြစ်များ

Jone 13:2

Kate ima rafi teu mae Jisas baludi nogna mae fanomhore, mae Satan neke kulu liliseihi ka nagnafagna mae Judas na te mala majorani mae Jisas. Mae Judas gne kaisei mae ka hatimare nabotho phei mae fanomho gre, thugna mae Simon Iskariot.

Jone 13:30

Ke leghugna te hata te ghamu mae Judas bret teke tusu lao mae Jisas na, mae Judas ghosei ne jifla ka suga na bongiro.

Matiu 10:4

mae Simon, mae te kiloi Silote, naugna mana kaisei mae ka tothoghei te magnahaghei khidi mae di Rom; nei mae Judas Iskariot. Mae Judas gne mae ihei te snakreni mae Jisas ka khamedi nogna naokare.

Nodi Khoje Hatimare Mae Jiu 41:9

Mae kheragu thofno ba te rouronuni nei ghamu fodu teu iara balugna na, mana jaola tapla fapari ghau iara.

Nonomho Te Keli Teke Risoi Mae Mak 3:19

nei mae Judas Iskariot. Mae Judas gne mae ihei teke snakreni mae Jisas ka khamedi nogna mae naokare.

Nonomho Te Keli Teke Risoi Mae Mak 14:11

Mare ne keli tadi fara kate nomhini unha te chekeni mae Judas igne. Mare nhaꞌa cheke ka mae Judas mala tusu ranghini mana keha sileni. Aonu funu ka narane tuana mae Judas ne ofoni narane aheva nate snakre laoni mae Jisas ka mare na.