Nonomho Te Keli Teke Risoi Mae Mak 13:7 - Buka Blahi Ka Cheke Holo

⁷ Kate nomhidi ghotilo naogladi magra rhemi re, thosei nanga nomi fara. Glepo igre mala kulu thoke mei, nu narane leghu lahu na theome thoke mei au.

Nonomho Te Keli Teke Risoi Mae Mak 13:7 ပူးပေါင်းရင်းမြစ်များ

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Mae Khuru 17:3

Mana rurutha gaoghathogna na ne falalase ranghidi eigna God te snakreni mae Kraes mala lehe, eghuteuna ke leghu na God neke fakarha fapuloni mana. Mana ne cheke eghu ka mare, “Mae Jisas te chekeni iara ka ghotilo igne mae tugne ngala mae Kraes na.”

Matiu 18:7

Thono diꞌa fara naiknogna nauthoglu igne, naugna kmana glepo te batu fadiꞌadi nodi fatutuani naiknore. Glepo igre ginauna edi fabrahu ngala, nu thono diꞌa fara mae ihei te edi glepo igre.

Profet Jeremaea 51:46

Ghotilo thosei mhaghudi nei diꞌanagnafadi eghu kate nomhidi thua nafnata thoutonu te flalo tafri ka nauthoglu igne. Ka finogha te mei igre ghotilo ginauna nomhidi keha nafnata cheke te tei tafri are. Naiknore na cheke eidi magra ka keha namono, ba kaisei mae king te magra ka keha mae king na. Nu ghotilo thosei mhaghudi cheke igre eghu.

Profet Isaia 8:12

“Ghema Isaia, te ghathoni mare na, iagho ne fatei tei cheke poru te mala roꞌeni kantri Juda, nu iagho thosei ghathoni igne. Eghuteuna iagho thosei mhaghuni glepo te mhaghuni mare igne.

Proveb 3:25

Hoholo na ghosei thokedi naikno te diꞌa re. Nu iagho thosei mhaghuni kaisei glepo.

Nodi Khoje Hatimare Mae Jiu 112:7

Mae igne theome tangomana te mhaghuni u nonomho te diꞌa na, naugna mana rouronu lao kolho ka Lord, nei nogna fatutuani na thono heta fara ka Lord.

Nodi Khoje Hatimare Mae Jiu 27:3

Jame neuba kaisei thara ne mei bara falithui ghau iara, iara ginauna na theome mhaghu nogu kolho. Jame neuba nogu naoka iara re ne mei magra ka iara, iara ginauna au nogu grouronu biꞌo fara ka God.

Fapea Samuel 14:14

Tahati te gnafa na, tahati ginauna lehe. Eghuteuna gleheda tahati na jateula khoꞌu te thofa soru ka glose na ia kolho, eghuteuna theome tangomana kaisei naikno na teke hata fapulogna na tuia eghu. Nu God na theome tangomana te hata fadelei nakarhagna naikno na. Theo. Mana ginauna hironi kaisei nabrou eigna ihei te au khaba ka mana na mala ke pulo mei.

Jone 14:1

Mae Jisas ne cheke eghu ka nogna mae fanomhore, “Thosei nanga nomi nei diꞌanagnafami eghu. Fatutuani ni God nei fatutuani ghau la iara.

Matiu 2:3

Kate nomhini mae King Herod eigna nodi King majaghani mae Jiu gne, mae King Herod ne diꞌanagnafa fara, nei jaola ngau iheire te gnafa te au ka namono Jerusalem.

Nonomho Te Keli Teke Risoi Mae Mak 13:6

Naugna kmana naikno ginauna na mei ka nanghagu iara, na cheke eghu ka ghotilo, ‘Iara ngala mae Kraes na!’ Eghuteuna kmana naikno ginauna na fatutuanidi mare.

Nonomho Te Keli Teke Risoi Mae Mak 13:8

Naiknogna kaisei namono na ginauna na kegra haghe magra ka naiknogna keha namono na. Eghuteuna naiknogna kaisei nohi na ginauna na kegra haghe magra ka naiknogna keha nohi na, heva heva kau nauthoglu igne. Namono te kmana ka nauthoglu na igre ginauna nghali tongana ka nakheu biꞌo. Eghuteuna naiknogna nauthoglu igne ginauna theome naba ghedi gano te mala ghamu na. Glepo igre na jateula khabru ulu lahu te eni gaꞌase te namo fakarha sua majaghani ia eghu.