Nonomho Te Keli Teke Risoi Mae Mak 13:34 - Buka Blahi Ka Cheke Holo

³⁴ Ginauna na jateula kaisei mae funei tarabana te mala tei ka keha namono delei ia eghu. Ame tei kokoni nga nogna suga na teuna, mana ne lisa lao gobigna lepore ka khamedi nogna mae glokure mala reireghi mare. Mana ne tufa soasopagna gloku ranghidi mare. Kaisei mae mala reireghi grengatha mala fiofilo fakeli.

Nonomho Te Keli Teke Risoi Mae Mak 13:34 ပူးပေါင်းရင်းမြစ်များ

Jone 10:3

Eghuteuna mae greireghi grengatha na, filo glanini mana nei na tora ranghini mana. Mana na kilodi nanghadi nogna sipure, eghuteuna nogna sipu mana re na glanini naoglagna mana na. Eghuteuna mana na batu fajifladi ke kosigna bara na.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Matiu 16:19

Iara ginauna na tusu ari ka iagho nolaghi mala jateula ki gna eghu grengathagna nogna nauthoglu majaghani God na. Eghume unha nate theome snakreni iagho ka nauthoglu igne, God ginauna theome snakreni la kligna. Eghuteuna unha nate snakreni iagho ka nauthoglu igne, God ginauna snakreni la kligna na.”

Thakle 3:7

Mae igne neke cheke eghu ka iara, “Iagho rioriso tei kaisei letas ranghini engel gna khiloau Filadelfia, eghuteuna iagho cheke eghu ka mana: Igre nogu cheke iara mae ihei te blahi nei taji fabrahuni teu nogu nhaꞌa cheke na. Iara au nolaghi te mala funei frunidi naiknore jateula mae King Devet tifa ia eghu. Tutuani iara au nolaghi te mala chekeni ihei te ruma haghe ka nogna nauthoglu majaghani God na, nei ihei nate theome ruma haghe jare na. Jateula iara te au kaisei ki ka khamegu na te mala tothora grengatha na ranghidi kehare nei bobotho ranghidi kehare teuna.

Kolose 4:1

Ghotilo mae funeira, reireghi fakelidi nomi mae glokure ka puhi te doglo. Naugna ghotilo laseni te au kaisei nomi mae funei biꞌo kligna, mae ihei te filo ghami nei taba ghami ba para ghami leghuni unha te eni ghotilo na.

Letas Teke Riso Tei Mae Pol Ka Khiloau Rom 13:6

Eghume thono keli fara la te foli takis ghotilo na, naugna mae biꞌo ka gavman igre magnahagheni sileni igne mala loku ranghini God.