Nonomho Te Keli Teke Risoi Mae Mak 13:24 - Buka Blahi Ka Cheke Holo

²⁴ Mae Jisas ne cheke eghu, “Ke leghugna narane te mei puhi biꞌo igne, “ ‘Naprai na ginauna romno soru. Glaba na ginauna theome agha.

Nonomho Te Keli Teke Risoi Mae Mak 13:24 ပူးပေါင်းရင်းမြစ်များ

Profet Isaia 13:10

Ka narane igne, nathunu nei glaba teu igre ginauna theome agha bongiro na, eghuteuna neuba naprai na ne haghe hamerane, naꞌa ginauna theome agha kolho.”

Fapea Pita 3:10

Nu narane mala ke pulo meigna noda Lord na ginauna megei nga mei jateula kaisei mae te mala mei blau te theome laseni tahati narane meigna na ia eghu. Eghuteuna ka narane tuana kaisei naogla biꞌo na mei ka maloa na, eghuteuna maloa na ginauna luvu. Eghuteuna kaisei khaꞌaghi biꞌo ginauna ghamu fateo gobigna lepo te au ke lamnagna maloa na. Nauthoglu igne ginauna jaola dofini baludi gobigna lepo te au ke lamnagna re.

Profet Emos 5:20

Naranegna Lord igne ginauna romno soru, nei na theome phae. Eghuteuna naiknore ginauna theo kaisei nodi grouronu nate karha na.

Profet Joel 3:15

Ka narane tuana, naprai, nei glaba, nei nathunu teu igre ginauna kafe romno soru.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.

Fapea Pita 3:12

Kate ofoni teu nogna narane biꞌo God igne, ghotilo loku heta mala faghose mei narane igne. Ka narane tuana khaꞌaghi na ginauna ghamu fateo maloa na, eghuteuna gobigna lepo ka maloa na ginauna branadi ghilei blalho kolho.

Profet Joel 2:10

Kate kafe thugha mei cheche igre na, nauthoglu ghe maloa igre na kafe nghali. Naprai ghe glaba igre ginauna na kafe romno soru, eghuteuna nathunu are ginauna theome agha.

Profet Daniel 12:1

Mae tuna ne cheke eghu ka iara, “Ka narane igne, engel Maekol mae funeidi hatimare mae engel te mala reireghidi nou naikno iagho igre ginauna thakle mei. Ka narane igne puhi biꞌo ginauna thoke mei. Tifa na nafnata puhi biꞌo igne neke theome thokeni kaisei kantri ka nauthoglu igne. Kate thoke mei narane igne, God ginauna nake hata fapulo nogna naiknore, naugna nanghadire la auhi ka nogna buka na.

Profet Daniel 7:10

Eghuteuna khaꞌaghi te jifla mei ka sape nafnakno igne loloro jateula khoꞌu eghu. Eghuteuna kmana thogha naikno te theome tangomana te kahadi re kegra ke ulugna Mana. Eghuteuna kehare tothora nodi bukare tarabana mala fate.

Profet Esikiel 32:7

Kate para nigho na, iara ginauna toku tafri maloa thongana gne, eghuteuna fanogra nathunu gre mala theome agha. Iara ginauna chekeni khoveo mala toku tafru naprai gne, eghuteuna glaba na ginauna theome agha.

Profet Jeremaea 4:28

Gobigna lepo ka nauthoglu na igre ginauna tanhi, eghuteuna maloa igne ginauna romno soru. Naugna igne, nogu cheke nei gaoghatho teu iara te mala edi glepo igre ginauna na theome ke tughu.”

Nonomho Te Keli Teke Risoi Mae Mak 13:23

Eghume fiofilo ghami eghu. Iara kulu chekedi ka ghotilo glepo igre gognaro na ame thoke mei nga reꞌe eghu!”