Nonomho Te Keli Teke Risoi Mae Mak 13:12 - Buka Blahi Ka Cheke Holo

¹² Eghuteuna naiknore ginauna na snakre lao kheradi thedire ka mae naokare mala falelehe mare. Eghuteuna mae kmadire na eghu dila thudire, nei thudire na eghu dila kmadi nei idodi teure kau glehe.

Nonomho Te Keli Teke Risoi Mae Mak 13:12 ပူးပေါင်းရင်းမြစ်များ

Matiu 10:21

“Naiknore ginauna snakre lao kheradi thedire ka mae naokare mala falelehe mare. Eghuteuna mae kmadire na eghu dila thudire, thudire na eghu dila kmadi nei idodi teure ka glehe.

Luku 21:16

Idomi, kmami, tighami, vikemi, nei kherami teu ghotilo themi are ginauna snakre lao ghami ghotilo ka khamedi nomi naokare. Mare ginauna falelehe keha mae ka ghotilo.

Matiu 24:10

Ka narane tuana kmana naikno teke fatutuanire ginauna nake theome fatutuani. Mare ginauna majora fari thedi, eghuteuna kehare ginauna theome magnahaghedi kehare.

Profet Esikiel 38:21

Iara ginauna kuru mei mae naoka ka thogele Israel mala magra ka King Gog. Eghuteuna nogna soldia mana re ginauna aknu falehedi thedi ka magra. Iara Lord te cheke igne.

Nonomho Te Keli Teke Risoi Mae Mak 13:11

Nu kate hata ghami mare te kegra ka fate na, thosei kulu nanga nomi eigna unha nate chekeni na. Chekeni kolho unha te tusu ari God ka ghotilo te mala chekeni ka narane tuana. Naugna theome ghotilo themi te mala cheke na, nu mae Tharunga te Blahi ginauna togho ghami ghotilo te mala cheke na.

Nonomho Te Keli Teke Risoi Mae Mak 13:13

Naikno te gnafa gre ginauna tirodi ghami ghotilo, naugna ghotilo ne nogu iara. Nu God ginauna na fakarhidi iheire te au famaku ka nodi fatutuani na ghilei thokeni narane nate gnafa gna naꞌau papara na.”