Nonomho Te Keli Teke Risoi Mae Mak 13:11 - Buka Blahi Ka Cheke Holo

¹¹ Nu kate hata ghami mare te kegra ka fate na, thosei kulu nanga nomi eigna unha nate chekeni na. Chekeni kolho unha te tusu ari God ka ghotilo te mala chekeni ka narane tuana. Naugna theome ghotilo themi te mala cheke na, nu mae Tharunga te Blahi ginauna togho ghami ghotilo te mala cheke na.

Nonomho Te Keli Teke Risoi Mae Mak 13:11 ပူးပေါင်းရင်းမြစ်များ

Mae Khuru 6:10

nu mae Tharunga te Blahi na ne toghoni mae Stivin mala cheke balu glalase te biꞌo. Eghuteuna hatimare mae Jiure theome tangomanadi te cheke faparini mana na, naugna nogna cheke mana re thono nolaghi fara.

Ululahu Pita 1:12

Eghume, God neke falalase ka mare u thofno gaoghathogna cheke igne, theome mala toghodi kolho thedi kate toutonu na, nu mala togho ghami ghotilo. Gognaro na mae Tharunga te Blahi teke kuru mei God funu kligna na tusu lao nolaghi ka keha naiknore mala toutonu ka ghotilo. Naikno igre neke toutonu eigna u Nonomho te Keli na ka ghotilo glepo teke toutonu dila hatimare mae profet ra. Tutuani fara hatimare mae engel, mare magnahaghei te lase fakeli nila Nonomho te Keli igne.

Ululahu Korin 2:13

Eghume, kate chekedi tahati glepo igre, tahati theome cheke leghuni gaoghathogna naikno na, nu tahati cheke leghuni kolho unha Tharunga te Blahi teke farirhiu ghita na. Tahati toutonu glepo tutuani leghuni gaoghathogna mae Tharunga te Blahi ranghidi naikno tela hatahi mana.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Efesus 3:5

Tifa na God neke theome chekeni ka naiknore eigna u gaoghatho teke poru igne. Nu gognaro na Tharungagna God na la falalasehi ka hatimare nogna mae khuru te blahi nei hatimare nogna mae profet.

Mae Khuru 4:31

Ke leghugna te tarai mare na, u suga te khapru te tarai teu mare na megei nga ne nghali. Eghuteuna mae Tharunga te Blahi na ne soru mei ka mare. Ke leghugna igne, mare ne theome mhaghu te toutonuni u chekegna God na.

Mae Khuru 2:4

Aonu mae Tharunga te Blahi ne mei au ka mare ne gnafa, eghuteuna mare ne funu cheke ka keha chekedi delei, leghuni unha nafnata cheke teke tusu ranghidi mae Tharunga te Blahi na.

Profet Isaia 50:4

Nogna mae gloku Lord na ne cheke eghu, “Lord God neke farirhiu ghauhi iara ka unha mana te magnahaghei chekedi iara re, mala ke farerheta nagnafadi iheire te nigra. Leuleghu hamerane na mana fadofra ghau iara mala nomhidi iara glepo majaghani nate farirhiu ghau iara mana re.

Fapea Samuel 23:2

“Tharunga gna Lord na vahi ghau iara mala chekeni nogna cheke na. Nogna cheke na au ka foflogu iara na.

Mae Khuru 3:13

Nodi God mae ku'edara, nodi God mae Ebraham, nei mae Isak, nei mae Jekop neke eni te filoni ghotilo igne mala fafnaknoni tahati nanghagna nogna mae gloku Thugna Jisas. Nu ghotilo neke snakreni mana ka khamedi goro mae biꞌo re. Neuba mae Paelat ne ghaoghatho mala snakre fajiflani mae Jisas, ghotilo te chekeni ka mae Paelat na ghotilo theome magnahagheni mana.

Jone 3:27

Mae Jone ne cheke eghu ka mare, “Tutuani fara, theo kaisei naikno te tangomana te eni kaisei glepo na, nu thegna God ngala tangomana te tusu ranghini mana nolaghi na.

Nonomho Te Keli Teke Risoi Mae Mak 13:9

“Fiofilo fakeli ghami ghotilo ia. Naugna naiknore ginauna na hata ghami ghotilo tei ka fate. Mare ginauna na puri ghami ghotilo ke lamna suga tharai. Mare ginauna na huhuru ghami ghotilo mala kegra ke uludi mae funei ba hatimare mae King. Mare ginauna na edi glepo igre ka ghotilo, naugna ghotilo ne leghu ghau iara. Eghuteuna ghotilo ginauna na toutonuni Nonomho te Keli na ka mare.

Matiu 10:17

Ghotilo mala filo fakeli. Naugna keha naiknore ginauna hata ghami ghotilo kau fate. Mare ginauna puri ghami ghotilo ke lamnadi nodi suga tharai are.

Mae Khuru 7:55

Nu mae Tharunga te Blahi na au balugna mae Stivin, mana ne filo haghe kligna ne filoni u siasigla gna nogna nolaghi biꞌo God na. Mana ne filoni mae Jisas kegra teu fei nhetagna God na.

Mae Khuru 6:15

Mae te gnafa te gnokro ke lamnagna u faidu igne, mare ne filo tutu ka mae Stivin. Eghuteuna kate filo mare ka tathagna nei foflogna teu mae Stivin re, mana ne siasigla jateula tathagna nei foflogna eghu kaisei engel.

Nonomho Te Keli Teke Risoi Mae Mak 13:12

Eghuteuna naiknore ginauna na snakre lao kheradi thedire ka mae naokare mala falelehe mare. Eghuteuna mae kmadire na eghu dila thudire, nei thudire na eghu dila kmadi nei idodi teure kau glehe.

Luku 21:12

“Nu ame thoke mei nga gobigna lepo igre teuna, naiknore ginauna loki ghami nei para ghami eghu ghotilo, eigna ghotilo ne fatutuani ghau iara. Mare ginauna hata ghami ghotilo tei ka fate ke lamna suga tharai. Eghuteuna mare ginauna na faruma ghami ghotilo ka suga sosolo. Mare ginauna na huhuru ghami ghotilo mala kegra ke uludi hatimare mae funei ba ke uludi hatimare mae king. Mare ginauna na edi glepo igre ka ghotilo, naugna ghotilo ne leghu ghau iara.