Nonomho Te Keli Teke Risoi Mae Mak 12:5 - Buka Blahi Ka Cheke Holo

⁵ Ke leghugna igne mae funei na neke kuru teini la kaisei nogna mae gloku, nu mare faleleheni kolho mana. Kmana nogna mae gloku mana re kafe eghudi ne gnafa ngala, kehare puphuri nei kehare falelehe.

Nonomho Te Keli Teke Risoi Mae Mak 12:5 ပူးပေါင်းရင်းမြစ်များ

Luku 6:36

Ghotilo lolokeli nei kokhonidi eghu naikno te gnafare jateula mae Kmami ghotilo te au kligna te lolokeli nei kokhonidi teu naikno te gnafare.”

Nonomho Te Keli Teke Risoi Mae Mak 9:13

Tutuani fara, te chekeni iara ka ghotilo na. Mae Elija gne la meihi, eghuteuna naiknore na edi kmana glepo te diꞌa ranghini mana leghudi nodi puhi thedire, jateula ngau te chekeni teu kau grioriso te blahi te mala eni ka mana na.”

Matiu 23:37

Aonu mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra nei fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghigna ra eghu. Nu ghotilo tiromi magnahagheni ngala.

Matiu 22:6

Eghuteuna, kehare tei ne lokidi mae glokure, ne puridi, nei falehedi.

Matiu 5:12

Neuba, ghotilo gleꞌa nei keli tami eghu, naugna ginauna Kmada na taba fabiꞌo ghami ghotilo kligna. Naiknore ginauna para ghami ghotilo jateula teke edi hatimare mae Jiu ka nogna mae profet God tifa ra eghu.”

Nehemaea 9:30

Kmana finogha iagho snakre meini nou Tharunga te Blahi na ke klignadi hatimare mae profet, eghuteuna kurudi mae igre mala cheke faheta ka naiknore. Iagho neke ofodi naiknore mala fanomho ka cheke igre, nu mare ne tirodi. Eghume iagho snakredi naiknodi keha kantri are mala mei uludi mare.

Nonomho Te Keli Teke Risoi Mae Mak 12:4

Ke leghugna igne mae funei na neke kuru teini keha nogna mae gloku na. Gognaro na mare ne faghorehoni mana ka pha'u na, eghuteuna goigoni ni mana.

Nonomho Te Keli Teke Risoi Mae Mak 12:6

“Aonu mae funei na au kaisei mae ngala mala kuruni na. Tuana ngala thofno mae thugna te namhani fara mana na. Leghu lahu na mae funei na ne kuru teini mae thofno thugna na ka mare, ne cheke eghu, ‘Uve, mare ginauna ghatho tahuni mae thugu iara gne.’