Nonomho Te Keli Teke Risoi Mae Mak 12:44 - Buka Blahi Ka Cheke Holo

⁴⁴ Naugna mae te dedei igre au nodi kmana sileni. Mare tusu ranghini God kolho unha te salaꞌui na. Naikno biꞌo igne thono kuma fara, nu naꞌa koko fahui unha teke au ka naꞌa na eghu. Eghuteuna naꞌa magnahagheini fara sileni tuana malagna nakarhagna thegna na.”

Nonomho Te Keli Teke Risoi Mae Mak 12:44 ပူးပေါင်းရင်းမြစ်များ

Ululahu Jone 3:17

Jame kaisei naikno khiloau dedei eghuteuna filoni mae kheragna fofodu ka khiloau te kmoꞌei ka glepo na, eghuteuna theome kokhonini mae kheragna na teuna, nogna namha God na theo kolho ka nagnafagna naikno khiloau te dedei tuana.

Nonomho Te Keli Teke Risoi Mae Mak 14:8

Naikno biꞌo igne eni glepo te keli igne ranghi ghau iara, naꞌa kulu toatofa sedi te siri keli gna na ka thinigu iara na, tarabana gna te mala giugilu mare thinigu iara na.

Diutronomi 24:6

“Kate kaoni kaisei mae ka ghotilo na, ghotilo tangomana te hata glepo mala ke tughu fapulo mana nogna kaoni na. Nu ghotilo thosei hata kaisei ba phei thina te mala ghorhu wit, naugna igre glepo te mala edi mana te au gano tharaknagna mana na.

Luku 15:30

Nu mae thumu iagho igne neke falulhuvu fateo nou sileni iagho re ka naikno vine. Kate ke pulo mei mana ka suga na iagho ke falelehe buluka te blokha malagna mana.’

Luku 15:12

Mae ke iko na ne cheke eghu ka mae kmagna na, ‘Mama, famei gognaro nogu vido glepo mala famei ka iara thogheiro teku iagho ia.’ Aonu mae kmadi na ne tufa ka phia mae thugnare.

Luku 8:43

Kaisei naikno biꞌo ke lamnadi naikno igre, naꞌa dadara fabrahu nabagna nabotho phei finogha. Naꞌa koko fahui nogna silenire ka hatimare mae dokta, nu theo kaisei mae dokta tangomana te fakelini naꞌa na.

Nonomho Te Keli Teke Risoi Mae Mak 12:43

Mae Jisas ne kilodi nogna mae fanomhore ne cheke eghu ka mare, “Tutuani fara, te chekeni iara ka ghotilo na, naikno biꞌo te kuma igne koko sileni biꞌo fara ke tulaodi mae te dedei igrei.