Nonomho Te Keli Teke Risoi Mae Mak 12:34 - Buka Blahi Ka Cheke Holo

³⁴ Mae Jisas filoni mae igne thono lalase fara ne famane cheke tughu. Aonu mae Jisas ne cheke eghu ka mana, “Ghema, iagho gne namo fara te mala ruma baludi naikno God te funei frunidire.” Ke leghugna igne theo kaisei mae te franeni mae Jisas te ghusnani mana na.

Nonomho Te Keli Teke Risoi Mae Mak 12:34 ပူးပေါင်းရင်းမြစ်များ

Kolose 4:6

Leuleghu fata na nomi chekere mala keli nei doglo eghu fabrahu te mala toghodi keha naiknore. Eghuteuna God ginauna togho ghami ghotilo te mala tangomana te cheke tughu ka puhi te doglo ka naikno te gnafare.

Luku 20:40

Tuana ngala leghu lahu gna nodi faghusna mare na. Eigna mare ne mhaghuni te ghusna keha gusna ka mae Jisas.

Matiu 22:46

Theo kaisei mae ka hatimare mae Farasi gre te tangomana te cheke tughuni nogna gusna mae Jisas na. Aonu ke leghugna narane tuana theo kaisei mae frane te ghusnani mae Jisas.

Galesia 2:19

Nu iara tirogu leghuni vetula na naugna iara gognaro na thofno laseni vetula te theo kaisei nolaghi te mala fakarhi ghau iara ka nakhibo na. Eghume ka vetula na iara la lehehi.

Letas Teke Riso Tei Mae Pol Ka Khiloau Rom 7:9

Tifa na, neubane theome laseni iara vetula na, nakarhagu iara na neke keli fara, naugna iara theome laseni nakhibo na. Nu kate funu laseni iara nogna vetula God na, iara neke filo glani u nakhibo na ke lamnagu iara na heta fara.

Matiu 12:20

Naikno te nigra fei thini ba fatutuani, mare jateula fora te namo klopa ba juta te namo lehe ia eghu. Nu mae igne ginauna theome thododi naikno te nigra igre. Nu mana ginauna eni fabrahu igne ghilei thokeni narane naikno te theome Jiu gre nate hatani nakarha nogna God.

Matiu 12:15

Kate laseni mae Jisas te magnahaghei faleheni mare na, mana ne jifla kokoni vido tuana. Eghuteuna kmana naikno ne tei balugna mana, nu mana kafe fakelidi ne hui naikno te fogra re.