Nonomho Te Keli Teke Risoi Mae Mak 12:33 - Buka Blahi Ka Cheke Holo

³³ Te keli na tahati namhani God ka nagnafada fateote'o, ka gaoghathoda fateote'o, ka nhetada fateote'o. Eghuteuna tahati namhadi kherada fofodu gre jateula theda eghu. Phei vetula igre ngala teke uludi te fafara tahati ka God ke kligna olta na.”

Nonomho Te Keli Teke Risoi Mae Mak 12:33 ပူးပေါင်းရင်းမြစ်များ

Profet Hosia 6:6

Ghotilo fafara buluka ka iara, igne kaisei glepo keli fara, nu iara magnahaghei ghami ghotilo te ghatho tahu ghau iara salaꞌudi fafara buluka te edi ghotilo ra.

Ululahu Samuel 15:22

Nu Profet Samuel ne cheke eghu, “Unha te magnahagheni Lord na? Ba, mana magnahaghei nigho iagho te faꞌuveni nogna cheke na, ba, mala eni iagho fafara te thofno krono na? Te faꞌuveni iagho mana na tuana keli fara salaꞌuni fafara na. Te fanomho iagho ka mana na tuana keli fara salaꞌuni garofa gna sipu te fafara na.

Matiu 12:7

Nu ka grioriso te blahi ia God ne cheke eghu, ‘Iara theome magnahaghedi nomi fafara ghotilo re, nu iara magnahaghe ghami ghotilo te kokhonidi nei taji fakelidi teu naiknore.’ Jame laseni ghotilo thofno gaoghathogna cheke igne na, ghotilo jame theome tangomana te fateni naikno te theome huhughuni kaisei phugra cheke ka vetula na.

Matiu 9:13

Jateula tuana eghu, iara gne theome mei mala kilodi naikno te doglohi ke ulugna God te mala leghu ghau iara na. Nu iara gne mei mala kilodi kolho naikno te diꞌare mala hogri nagnafa. Ke pulo si ghotilo mala hironi u gaoghathogna chekegna God igne, ‘Iara theome magnahaghedi nomi fafara ghotilo re, nu iara magnahaghei ghami ghotilo te kokhonidi nei taji fakelidi teu naiknore!’ ”

Nodi Khoje Hatimare Mae Jiu 50:23

Mae ihei te cheke fakeli ghau iara na, tuana jateula te fafara eghu ka iara, mana pala hagheni nanghagu iara na. Mae ihei te leghuni chekegu iara na, iara ginauna fakarhini mana.”

Hibru 10:8

Filo si ghotilo. Ulu lahu na mae Kraes ne cheke eghu ka God, “Iagho theome magnahaghei kaisei mae te hata buluka ba gano te fafara nei kilo fnakno nigho, nei iagho jaola theome magnahaghedi buluka te gahu tongana ke kligna olta ba keha nafnata fafara te mala atha fadelei nakhibo. Nafnata fafara tuare iagho theome gleꞌadi kolho.” Mana ne chekeni igne neuba fafara te edi hatimare mae pris leghuni nogna vetula mae Moses na.

Proveb 21:3

Tahati mala leghuni puhi te keli nei doglo teu na. Ka tathagna God na, puhi igne thofno uluni fafara te tusu lao tahati ka mana na.

Diutronomi 6:5

Eghuteuna ghotilo mala namhani Lord nomi God ka nagnafami fateote'o, nei ka gaoghathomi fateote'o, nei ka nanhetami fateote'o.