Nonomho Te Keli Teke Risoi Mae Mak 12:24 - Buka Blahi Ka Cheke Holo

²⁴ Mae Jisas ne cheke eghu ka mare, “Tore, thono jafra fara si ghotilo gne! Naugna unha? Naugna ghotilo theome laseni grioriso te blahi na, nei theome lase nila nogna nolaghi God na eghu.

Nonomho Te Keli Teke Risoi Mae Mak 12:24 ပူးပေါင်းရင်းမြစ်များ

Jone 20:9

Phia mae igre theome lasedi ngau grioriso te blahi teke kulu cheke eigna mae Jisas mala teke khegra fapulo kau glehe na.

Matiu 22:29

Mae Jisas ne cheke eghu ka mare, “Ghotilo thono jafra fara! Naugna ghotilo theome lasedi gaoghathodi grioriso te blahi igre, nei ghotilo theome laseni la nogna nolaghi God na.

Efesus 1:19

Jaola mala filo glanini ghotilo thofno nogna nolaghi te heta fara te loku ke lamnadi iheire te fatutuani ni mana. Nolaghi biꞌo te loku ke lamnada igne u nolaghi teke fakarha fapuloni mae Kraes kau glehe ia, eghuteuna fagnokroni ka sape nafnakno fei nhetagna kligna.

Filipae 3:21

Eghuteuna mana ginauna tughu thinida tahati te diꞌa gre mala jateula thinigna thegna te au kligna na eghu. Mana tangomana te eni igne naugna mana au nolaghi te biꞌo. Eghuteuna ka nolaghi te biꞌo tuana mana ginauna funei frunidi gobigna lepo te au ka nauthoglu igne.

Letas Teke Riso Tei Mae Pol Ka Khiloau Rom 15:4

Gobigna lepo teke rioriso soru mare ka buka blahi na tifa igre, mare neke rioriso mala farirhiu ghita tahati. Eghuteuna kate iu'ijudi grioriso igre, tahati thofno laseni God na eni ranghi ghita unha teke nhaꞌa cheke ranghi ghita na. Eghume gaoghathoda na heta fara nei tahati tangomana te ofoni God te mala togho ghita.

Mae Khuru 17:11

Naikno Jiu te au Berea gre thono ke keli tadi fara ka naikno Jiu te au Tesalonika re. Mare magnahaghei fara te fanomho ka glepo te chekedi mae Pol ghe mae Silas. Naikno igre leuleghu narane na iu'ijuni grioriso te blahi na mala lase fakelini glahula tutuani ba theo kolho glepo igre.

Nonomho Te Keli Teke Risoi Mae Mak 10:27

Aonu, mae Jisas ne filo tutu ka mare, ne cheke eghu, “Tutuani fara, ka naikno na thono ninhigrana fara, nu ka God na theome ninhigrana eghu, naugna mana tangomanani te edi gobigna lepore.”

Profet Hosia 6:2

Katha vido kmoꞌei kolho mana ginauna tangomana na teke fakeli fapulo ghita na. Eghuteuna tahati ginauna nake au balugna mana fabrahu.

Profet Jeremaea 32:17

“Lord God, iagho neke vuavuha maloa ghe nauthoglu igre ka nou nolaghi biꞌo. Theo kaisei glepo te ninhigrana ka iagho na.

Profet Isaia 25:8

Lord ginauna bobotho fabrahu u glehe na, eghuteuna mana ginauna nuju koko kholo ka tathadi naikno te gnafare. Eghuteuna mana ginauna hata fadelei mamaja te au ka naiknogna na. Lord thegna ngala teke chekeni igne.

Jone 5:39

Famane hiro fakelidi si ghotilo u gaoghathodi u grioriso te blahi gne, naugna ghotilo gaoghathomi ka glepo igre na, te tusu ranghi ghami u karha fei tifa na eghu. Eghuteuna u grioriso te blahi igre cheke eigu iara kolho!

Luku 1:37

Naugna theo kaisei glepo te ninhigrana ranghini God na.”

Profet Hosia 13:14

“Nu iara ginauna na hata fafigridi ka namonodi mae tela lehehi ra. Glehe! Aheva nou nolaghi iagho te mala faleheni naikno na? Beku! Aheva nou nolaghi iagho te mala goigonini naikno na? “Uve, iara ginauna na fakarhidi nogu naiknore, eghuteuna iara na theome tughu nagnafagu na.

Profet Hosia 6:6

Ghotilo fafara buluka ka iara, igne kaisei glepo keli fara, nu iara magnahaghei ghami ghotilo te ghatho tahu ghau iara salaꞌudi fafara buluka te edi ghotilo ra.

Profet Isaia 26:19

Ghotilo nogu naikno iara ra! Kherada teke lehehi tifa ra, ginauna nake karha fapulo kau glehe. Ghotilo iheire te thuru lamna beku ra, ghotilo ginauna dofra haghe glealeꞌa. Jateula nakhete bongiro te soru mei teke pila nei majaghani fapulo teu glosera eghu, jateula tuana eghu Lord ginauna nake fakarhidi iheire teke lehehi ra.

Profet Daniel 12:2

Eghuteuna kmana naikno teke lehe tifa ra ginauna nake karha fapulo. Keha ka igre ginauna gleale'a fara kau nakarha te au fabrahu te tifa te tifa igne. Nu keha ka igre ginauna na mamaja nodi fara, eghuteuna na au papara fabrahu tifa tifa.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Jenesis 18:14

Theo kaisei glepo te ninhigrana ranghini Lord na. Iara ginauna nake pulo mei ka iagho ka thofno narane na, ka nhigra jateula gognaro gne eghu. Eghuteuna Sera gne ginauna na karha kaisei thugna nalhaꞌu.”

Profet Hosia 8:12

Iara neke rioriso kmana vetula maladi mare, nu ka gaoghathodi mare na, vetula igre jateula te maladi keha vikei ra eghu kolho.

Nonomho Te Keli Teke Risoi Mae Mak 12:23

Fitu mae thabusigna igre neke kafe tolaghi ka naꞌa. Ba, ginau ka narane karha fapulo na, na khetogna mae ihei si naꞌa gnea?”

Nonomho Te Keli Teke Risoi Mae Mak 12:25

Kau narane karha fapulo na mae nalhaꞌu nei gaꞌase teu gre ginauna jateula engel di kligna eghu na theome tolaghi.