Nonomho Te Keli Teke Risoi Mae Mak 12:2 - Buka Blahi Ka Cheke Holo

² Kate thokeni ghanogna nagare na, mana ne kuru teini kaisei nogna mae gloku mala tei ka mae greireghi nagare gre mala hata keha ghegna sisi.

Nonomho Te Keli Teke Risoi Mae Mak 12:2 ပူးပေါင်းရင်းမြစ်များ

Hibru 1:1

Tifa na God neke vahidi keha mae profet mala cheke ranghidi mae ku'edara. Mana neke cheke ka mare kmana fata nei kmana nafnata puhi.

Luku 20:10

Kate thokeni ghanogna nagare na, mana ne kuru teini kaisei nogna mae gloku mala tei ka mae greireghi nagare gre mala hata keha ghegna sisi. Nu mae greireghi nagare re kegra haghe ne aknini mana ne tirodi tusu lao kaisei grep ka mana neke kuru fapuloni kolho.

Luku 12:48

Nu mae gloku te theome laseni unha te magnahagheni mae funei na nei edi glepo te theome magnahaghedi mana re teuna, mae funei na ginauna theome raꞌe parani fara mana. Naugna mae ihei teke tusu lao God ranghini mana kmana glepo te mala reireghi na, God ginauna magnahagheni mana te mala edi keha glepo ke biꞌodi igrei. Eghuteuna mae ihei teke tusu lao God ranghini kmana gloku na, God ginauna magnahagheni mae tuana mala ke edi keha gloku langau.”

Matiu 21:34

Kate thokeni ghanogna nagare na, mana kuru teidi nogna mae glokure mala tei mare ka mae greireghi nagare igre mala hata keha ghegna sisi.

Profet Sekaraea 7:7

Ba, cheke igreu ngala Lord teke cheke ka mae profet tifa ra, ba theo? Uve, cheke turau ngala teke nomhidi kuꞌemi ghotilo tifara, eghuteuna namono biꞌo Jerusalem neke au fakeli nei fodu ka glepo te keli neku. Kmana naikno neke au ka namono tuana, nei ka keha namono te au falithui. Eghuteuna ka narane tura, kmana naikno jaola neke au ka namono nagou ke mata Juda, nei ka thogele ikodi ke mosu.”

Profet Maeka 7:1

Iara kokhoni ghau fara! Iara diꞌa nagnafagu fara! Iara jateula mae te rofo fara te tei tafri mala hiro sisi mala ghamu teura eghu kolho. Nu theo kaisei sisi te au ka gaju fig nei gaju grep. Mare la atha fateohi sisi te gnafa re.

Profet Jeremaea 44:4

Leuleghu fata na iara kurudi koba hatimare mae profet nogu mae gloku iara ra, mala mei cheke eghu ka mare, ‘Ghotilo thosei eni glepo te diꞌa te tiroguni fara iara igne!’

Profet Jeremaea 35:15

Kmana fata iara kuru mei nogu mae gloku, hatimare mae profet. Mare mei toutonu koba ka ghotilo nogu cheke iara na. Mare cheke eghu koba ka ghotilo, “Ghotilo te gnafa na mala koko puhimi te diꞌare mala leghuni puhi te doglo na. Ghotilo thosei leghudi nei tarai eghu ka keha god are. Jame te eghu ghotilo na, ghotilo ginauna na au fakeli ka glose teke tusu lao iara ka mae kuꞌemi ghotilo tifa ra.” Nu leuleghu fata na ghotilo tiromi fanomho ka nogu cheke iara igre, nei tiromi leghu ghau iara.

Nodi Khoje Hatimare Mae Jiu 1:3

Nakarhadi naikno igre na jateula gaju te karha ka geri khoꞌura eghu na keli fara. Kate thoke mei nodi thofno narane na, gaju igre ginauna ure, eghuteuna khakladire ginauna theome brango. Aonu unha te edi naikno igre na ginauna na jateula igne eghu mala keli fara.

Esra 9:11

Hatimare mae profet nou mae gloku iagho ra neke cheke eghu, ‘Kantri nate tei au ghotilo tagna igne theome gae ka tathagna God na. Naugna funu ka keha phile glose na te tei posa ka keha phile glose na fodu ka naikno bongihehe te diꞌa fara puhidi igre.

Fapea Kronikols 36:15

Lord nodi God kuꞌedi mare tifa ra, mana neke kuru meidi koba nogna profet ra mala cheke ka mare, naugna mana kokhoni nognadi mare, eghuteuna mana jaola ghatho tahuni nogna Sugablahi na.

Fapea Kings 17:13

Lord neke kuru fajifladi nogna mae profet mala tei cheke eghu ranghidi naiknodi Israel nei Juda, “Ghotilo lilisei puhimi te diꞌa re, eghuteuna leghuni nogu cheke iara te au ka nogu vetula iara teke tusu lao iara ka kuꞌemi ghotilo tifa ra, eghuteuna nogu mae gloku iara hatimare mae profet ra neke mei toutonuhi ka ghotilo.”

Nonomho Te Keli Teke Risoi Mae Mak 12:1

Ka narane tuana mae Jisas ne funu cheke ranghidi ka keha cheke naba. Mana ne cheke eghu, “Kaisei fata, kaisei mae khoto glose ne joꞌu kaisei nagare. Mana bara faligohoni nagare na nei dokha kaisei khora mala poji sisi grep mala eni waen. Aonu, mana babana kaisei suga ikoi kligna mala toetoe. Gnafa teuna, mana snakre lao nagare igne ka hatimare mae greireghi nagare mala loku. Aonu, mana jifla ne tei au ka keha namono delei fara.

Nonomho Te Keli Teke Risoi Mae Mak 12:3

Nu mae greireghi nagare igre kegra haghe ne aknini mae gloku igne ne tirodi tusu lao kaisei grep ka mana neke kuru fapuloni kolho.