Nonomho Te Keli Teke Risoi Mae Mak 12:15 - Buka Blahi Ka Cheke Holo

¹⁵ Nu mae Jisas ne laseni unha mae igre te magnahaghei saosagro na. Mana ne cheke eghu ka mare, “Naugna unha site magnahaghei saosagro ghau iara ghotilo gnea? Hata mei sileni na mala filoni iara.”

Nonomho Te Keli Teke Risoi Mae Mak 12:15 ပူးပေါင်းရင်းမြစ်များ

Thakle 2:23

Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Ululahu Korin 10:9

Eghuteuna tahati mala thosei fariuriuni Lord jateula mare eghu, eigna mogo na neke falehedi mare.

Mae Khuru 5:9

Mae Pita ne cheke eghu ka naꞌa, “Faꞌunha ne ghatho deni si ghopa puhi te mala fariuriu chaghini mae Tharunga te Blahi gnea? Filo sagho! Mae majaghani teke tei giugiluni khetomu iagho ia tela mei kegra teu ka grengatha na are. Mare ginauna nake pala fajifla nigho la iagho!”

Jone 21:17

Fatilo fata na mae Jisas neke cheke eghu la ka mae Pita, “Simon, thugna Jone, iagho namha ghau iara ngau sia?” Mae Pita ne diꞌanagnafa gna fara naugna mae Jisas ne thilo fata cheke eghu ka mana, “Iagho namha ghau iara ngau sia?” teuna. Eghume, mae Pita ne cheke eghu ka mana, “Lord, iagho lasedihi gobigna lepore. Iagho lase ghau iara te thofno namha nigho na.” Mae Jisas ne cheke eghu ka mae Pita, “Reireghidi gnafa nogu naikno iara jateula sipu teu igre.”

Luku 20:23

Nu mae Jisas ne kulu lasedi nodi saosagro mae igre ne cheke eghu ka mare,

Nonomho Te Keli Teke Risoi Mae Mak 10:2

Aonu, keha mae Farasi ne mei funu saosagroni mana. Mare ne cheke eghu ka mana, “Ba, snakreni ka noda vetula tahati na si mae te mala koko khetogna na ia?”

Matiu 22:18

Nu mae Jisas lasedi mae igre fariu saosagroni kolho mana. Aonu mana ne cheke eghu ka mare, “Ghotilo mae chaichaghi! Naugna unha site fariu saosagro ghau iara ghotilo gnea?

Profet Esikiel 17:2

“Maegna ka nauthoglu. Iagho chekeni kaisei cheke naba ka naiknodi Israel.

Matiu 20:2

Mana magnahaghei folidi nogna mae glokure kaisei sileni te gijadi mare kaisei narane. Aonu mana kuru teidi mare mala loku ka nogna nagare na.

Nonomho Te Keli Teke Risoi Mae Mak 12:14

Aonu, mare mei ne ghusna eghu ka mana, “Mae Velepuhi, ghehati lase nigho iagho kaisei mae te cheke koba kate tutuani. Iagho theome mhaghudi unha nafnata gaoghatho te edi naiknore eimu iagho na. Neubane mae biꞌo, iagho farirhiuni ngala unha te tutuani eigna God. Ba, keliu ngala te foli takis tahati ka mae Sisa na? Ba theo?” Mae Sisa gne mae king biꞌo gna Rom.

Nonomho Te Keli Teke Risoi Mae Mak 12:16

Mare ne tusu lao kaisei sileni ka mana, mana ne ghusna eghu ka mare, “Thotoghale gna nei nanghagna eghu mae ihei te filodi ghotilo ka sileni na igrea?” Mare ne cheke eghu ka mana, “Mae Sisa.”

Jone 8:6

Mare cheke igre khogla saosagroni kolho mae Jisas, mala cheke jafra mana nu athini mana ka fate eghu kolho. Nu mae Jisas theome cheke ne pogho soru ne rioriso ka thagru glose na, ka geghesu thegna na.