Nonomho Te Keli Teke Risoi Mae Mak 11:33 - Buka Blahi Ka Cheke Holo

³³ Mare ne cheke eghu ka mana, “Ghehati theome laseni cheke tughugna na.” Mae Jisas ne cheke eghu ka mare, “Uve, iara na jaola theome chekeni ka ghotilo unha nafnata nolaghi te au ka iara te edi glepo igre.”

Nonomho Te Keli Teke Risoi Mae Mak 11:33 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 1:28

Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Jone 9:27

Mana ne cheke eghu ka mare, “Iara la chekehi ka ghotilo sia, nu ghotilo theome fatutuanidi nogu cheke iara re neu. Mala ke faꞌunhai si ghotilo teke magnahaghei nomhini ngala gnea? Ba, ghotilo magnahaghei teke mala nogna mae fanomho la mana sia?”

Jone 3:10

Mae Jisas ne cheke eghu ka mana, “Iagho kaisei mae velepuhi biꞌo gna Israel. Nu theome laseniu ngala eghu sagho gaoghathogna na u cheke ignea, ghema?

Matiu 21:27

Aonu, mare ne cheke eghu ka mae Jisas, “Ghehati theome laseni cheke tughugna na.” Mae Jisas ne cheke eghu ka mare, “Uve, iara na jaola theome chekeni ka ghotilo unha nafnata nolaghi te au ka iara te edi glepo igre.”

Matiu 16:4

Icho idomi! Ghotilo naikno gognaro gre thono diꞌa fara puhimire. Ghotilo magnahaghei te filoni kaisei fagaglana. Nu iara ginauna na theome fakakhana kaisei fagaglana ka ghotilo. Nu kaisei fagaglana tangomana te filoni ghotilo ginauna fagaglana teke eni God ranghini mae profet Jona tifa ia.” Gnafa tuna, mana jifla kokodi mare ne tei nogna.

Matiu 15:14

Eghume thosei ghatho tahudi ghotilo mae Farasi gre. Mare mala batudi mae te iho gre, eghuteuna mare thedi na jateula mae dofu eghu. Laseniu ngala ghotilo cheke igne, naikno te dofu nu ke batuni keha naikno te dofu la teuna, phiamare ginauna na kafe tei snoꞌo ka khora.”

Profet Isaia 56:10

Nodi lida mae Israel igre jateula mae sekiuriti te dofu nei iho teura eghu, naugna mare theome kulu chekedi nogu naikno iara re. Mare theome laseni kaisei glepo. Mare jateula khuma te fnotho foflogna na te theome eha kate mei mae te blau ra eghu. Mare jateula mae te thuru teura eghu kolho. Mare kelitadi kolho te mala koꞌu na.

Profet Isaia 1:3

Buluka na laseni mae khotogna na, eghuteuna dongki na laseni mae teke reireghini te faghamuni na. Nu nogu naikno iara Israel igre theome lase ghau iara. Uve, nogu naikno iara igre theome laseni kaisei glepo te keli.”

Thoutonu Eigna Mae Job 5:13

Mana fakhaledi iheire ne lalasehi thedi teu igre mala goigonidi thedi mare. Eghuteuna mana goigonidi nodi gaoghatho te diꞌa mare re.

Profet Hosia 4:6

“Uve, iara ginauna paradi nogu naiknore, naugna naikno igre ne theome filo glani ghau iara te nodi God mare na. Eghuteuna ghotilo mae pris ra, jaola tiromi fanomho nei leghudi eghu nogu farirhiu iara re. Naugna igne, iara theome magnahaghei ghami ghotilo mae pris igre. Eghuteuna iara jaola theome magnahagheidi thumi nalhaꞌu ghotilore te mala nogu mae pris iara na.

Nonomho Te Keli Teke Risoi Mae Mak 11:32

Eghuteuna tahati theome tangomana la te cheke eghu na, ‘Naikno kolho teke tusu lao nolaghi na ka mae Jone.’ ” Mare cheke eghu naugna mare ne mhaghudi naiknore eigna naiknore laseni mae Jone gne kaisei mae profet tutuani.

Nonomho Te Keli Teke Risoi Mae Mak 12:1

Ka narane tuana mae Jisas ne funu cheke ranghidi ka keha cheke naba. Mana ne cheke eghu, “Kaisei fata, kaisei mae khoto glose ne joꞌu kaisei nagare. Mana bara faligohoni nagare na nei dokha kaisei khora mala poji sisi grep mala eni waen. Aonu, mana babana kaisei suga ikoi kligna mala toetoe. Gnafa teuna, mana snakre lao nagare igne ka hatimare mae greireghi nagare mala loku. Aonu, mana jifla ne tei au ka keha namono delei fara.