Nonomho Te Keli Teke Risoi Mae Mak 11:27 - Buka Blahi Ka Cheke Holo

²⁷ Mae Jisas nei nogna mae fanomhore neke puloi Jerusalem. Kate nolo te tei mae Jisas ka Sugablahi na, mae pris ulu nei mae velepuhigna vetula nogna mae Moses nei keha mae biꞌo langau eghu re ne mei ka mana.

Nonomho Te Keli Teke Risoi Mae Mak 11:27 ပူးပေါင်းရင်းမြစ်များ

Jone 18:20

Mae Jisas ne cheke eghu ka mana, “Iara neke famane cheke ke uludi naiknore. Eghuteuna iara neke farirhiu koba ke lamna suga tharai, nei ke lamna Sugablahi, ka vido aheva te kafe khapru teu mae Jiure. Tutuani, iara neke theome cheke poruni kaisei glepo.

Jone 10:23

Eghuteuna, mae Jisas ne nolo ne tei ka varanda gna Sugablahi na kau vido te kiloi nogna varanda mae Solomon.

Nonomho Te Keli Teke Risoi Mae Mak 14:1

Phia narane te au na ame thokedi nga narane Gaghamu Ghasa-Polho ghe Gaghamu gna Bret te Theo Isi gna na. Hatimare mae pris ulu nei hatimare mae velepuhigna vetula nogna mae Moses teu gre fariuriu hiro puhi poru te mala lokini mae Jisas te mala faleheni mana na.

Profet Malakai 3:1

Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”

Nonomho Te Keli Teke Risoi Mae Mak 11:28

Mare ne ghusna eghu ka mana, “Ghema, unha nafnata nolaghi site au ka iagho te edi glepo igrea? Mae ihei teke tusu ari nolaghi te mala edi iagho igre?”