Nonomho Te Keli Teke Risoi Mae Mak 11:25 - Buka Blahi Ka Cheke Holo

²⁵ Eghuteuna kate tarai na, jame ghotilo diꞌatami ranghini kaisei naikno, ghotilo kulu hata fadelei ghu nakhibogna mae ihei teke diꞌa tamuni na eghu. Jame te eghu na, mae Kmami ghotilo te au kligna na ginauna hata fadelei nakhibomi ghotilo re.

Nonomho Te Keli Teke Risoi Mae Mak 11:25 ပူးပေါင်းရင်းမြစ်များ

Kolose 3:13

Eghuteuna kate au nogna puhi fadiadiꞌa kaisei naikno ka ghotilo ranghini kheragna fofodu na, te keli na phiamare thosei magra, nu hata koko nakhibo fari thedi. Naugna Lord neke hata kokodi nakhibomi ghotilo re, jateula tuana eghu ghotilo mala hata koko nakhibo fari themi.

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Luku 6:37

Mae Jisas ne cheke eghu, “Thosei fateni ihei, na eghunu ke fate ghami God eghu. Thosei fathoroni ihei na, na eghunu ke fathoro ghami God eghu. Eghuteuna ghotilo hata fadelei nakhibodi keha naiknore mala nu ke hata fadelei langau God nakhibomire eghu.

Matiu 6:12

Hata fadeleidi tami thua glepo te diꞌa te kela fajafra dihi jateula ngau ghehati te hata fadeleidi unha najafra teke edi fadiꞌa ranghi ghami keha naiknore.

Matiu 5:23

“Eghume, kate mei pogho soru iagho ka God na, ke ghathoni teke diꞌatagna nigho mae kheramu fofodu ia eghu,

Jemes 2:13

Kau narane fate na God ginauna na theome kokhonidi naikno te theome kokhonidi keha naiknore. Eghuteuna God ginauna na jateula tuana eghu kokhonidi naikno te kokhonidi keha naiknore.

Matiu 6:5

Mae Jisas ne cheke eghu, “Kate tarai na, ghotilo mala thosei jateula mae te chaichaghi ra eghu. Mare magnahaghei fara te tei kegra te tarai ke lamnadi suga tharai ba farihotei glalaba. Mare magnahaghedi naiknore te filodi unha te edi mare re. Nu tutuani fara te chekeni iara ka ghotilo na, mare la kulu hatahi ka naiknore nodi tabare.

Luku 18:11

Mae Farasi au neu delei ne kegra haghe ne tarai eghu, ‘God iara cheke fakeli nigho fara, iara theome diꞌa jateula keha naikno igre eghu. Iara theome jateula mae ihei te blau, chaichaghidi keha naiknore ba tolaghi pedo. Eghuteuna iara cheke fakeli nigho fara langau naugna iara theome jateula mae te diꞌa te salo takis igne eghu.

Profet Sekaraea 3:1

Iara neke filoni keha mifi te fakakhana Lord ka iara na. Ka mifi igne, iara filoni pris biꞌo Josua kegra ke ulugna nogna engel Lord. Eghuteuna Satan jaola kegra jare, fei nhetagna pris biꞌo, eghuteuna Satan tarabana keha nogna gaoghatho mala cheke faparini Josua.

Thakle 11:4

Phei mae profet igre phei gaju oliv nei phei juta biꞌo. Mare ginauna kegra ke ulugna mae funei gna nauthoglu igne.

Luku 18:13

“Nu mae mala salo takis gne kegra neu delei. Kate tarai na mana tirogna filo haghe kligna. Mana ne tutini babangogna na, naugna mana ne diꞌanagnafadi fara nakhibognare ne tarai eghu, ‘God kokhoni ghau iara, mae te diꞌa gne.’ ”