Nonomho Te Keli Teke Risoi Mae Mak 11:23 - Buka Blahi Ka Cheke Holo

²³ Uve, tutuani fara, te chekeni iara ka ghotilo na. Jame kaisei mae ka ghotilo theome ghatho peapea nu fatutuani ni unha te chekeni na teuna, mana tangomana te cheke eghu ka thogele igne, ‘Kegra haghe tei krofu ka thongna gno.’ Glepo tuana ginauna na leghuni ngala unha te chekeni iagho na.

Nonomho Te Keli Teke Risoi Mae Mak 11:23 ပူးပေါင်းရင်းမြစ်များ

Matiu 17:20

Mae Jisas ne cheke eghu ka mare, “Ghotilo theome tangomana ghami te brue teini naitu na, naugna nomi fatutuani ghotilo na theome naba. Tutuani fara te chekeni iara ka ghotilo na, neubane ikoi fara jateula sisi gaju mastad neu nomi fatutuani ghotilo na, ghotilo na tangomana te cheke eghu ka thogele igne, ‘Jifla agne mala tei jare.’ Teu ghotilo na, thogele tuana ginauna thugha tei. Eghume ginauna theo kaisei glepo nate ninhigrana ranghi ghami ghotilo na.

Jone 15:7

Jame te au fabrahu ghotilo balugu iara eghuteuna chekegu iara re au fabrahu ka ghotilo teuna, ghotilo ginauna tangomana te toreni unha te magnahagheni ghotilo na, eghuteuna God ginauna tusu ari ka ghotilo.

Matiu 21:21

Mae Jisas ne cheke eghu ka mare, “Tutuani fara te chekeni iara ka ghotilo na. Te fatutuani ghotilo te theome ghatho peapea na, ghotilo ginauna tangomana te eni unha teke eni iara ka gaju igne. Eghuteuna ghotilo ginauna tangomana te edi glepo ke biꞌodi igrei. Ghotilo ginauna tangomana te cheke eghu ka thogele igne, ‘Kegra haghe tei krofu ka nhorora gno.’ Te fatutuani ghotilo na, thogele tuana na kegra tei krofu ka nhorora gno.

Nodi Khoje Hatimare Mae Jiu 37:4

Gleale'a sagho ka Lord, eghuteuna mana ginauna na tusu ranghi nigho unha teke thono mamagnani iagho ka nagnafamu na.

Jone 14:13

Eghuteuna iara na eni unha te toreni ghotilo ka nanghagu iara na. Iara na eni igne ranghi ghami ghotilo mala filoni naiknore nogna nolaghi biꞌo mae Mama te thakle mei ka iara mae Thugna na.

Luku 17:6

Mae Jisas ne cheke eghu ka mare, “Neubane ikoi fara nomi fatutuani ka God na ne jateula sisi gaju mastad neu, ghotilo tangomana te cheke eghu ka gaju biꞌo na, ‘Krathu balu glathimu tei kegra ka thongna gno’ teu ghotilo na, gaju biꞌo tuana ginauna leghuni unha te chekeni ghotilo na.

Ululahu Korin 13:2

Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.

Matiu 14:13

Kate nomhini mae Jisas glehegna mae Jone Apublahi na, mana saghe ka mola na ne tei au thegna sopa lamna namono nagou. Kate nomhini naiknore te jifla te tei mae Jisas ka mola na, mare jifla ka namonodire ne liu mata ne tei ke leghugna mana.