Nonomho Te Keli Teke Risoi Mae Mak 11:20 - Buka Blahi Ka Cheke Holo

²⁰ Hamerane ka keha narane na, mare neke mei sala'u ka nabrou tuana ne filoni gaju fig te lehe te posa ka glathigna na.

Nonomho Te Keli Teke Risoi Mae Mak 11:20 ပူးပေါင်းရင်းမြစ်များ

Matiu 15:13

Mae Jisas neke cheke eghu, “Mae Farasi gre jateula gaju teke theome joꞌu mae Kmagu iara te au kligna ia eghu. Mana ginauna kafe rathu koko balu glathidi.

Jone 15:6

Mae ihei te theome au balugu iara na, mana ginauna jateula grege te gnagha te lehe ia eghu. Eghuteuna grege te lehe tuare mala salofodu mala koko lao ka khaꞌaghi mala nako.

Nonomho Te Keli Teke Risoi Mae Mak 11:14

Mae Jisas ne cheke eghu ka gaju fig na, “Funu ka narane gognaro ao ghu te haghe na, theo kaisei naikno na teke ghamuni sisimu iagho na!” Mae fanomhore ne nomhini cheke mana igne.

Matiu 13:6

Nu kate brana naprai na sisire ne kafe brango ne kafe lehe, naugna glathidire ne theome soru pari.

Profet Isaia 40:24

Mare jateula wit te aongala joꞌu nga, te kotu haghe nu theome rheta nga meu kolho teura eghu. Eghuteuna kate eni Lord nuri brana na te brana na te mala ghaghafa na, wit igre ginauna na mojadi lehe, eghuteuna nuri na pala tei jateula chara te flalo te teihi ra eghu.

Letas Teke Rioriso Mae Jud 1:12

Kate ei famane gaghamu ghotilo fagaglana gna nomi namha biꞌo na eghuteuna te mei mare me ima fodu balumi ghotilo teuna, mare famamaja ghami ghotilo fara ka puhidi te diꞌare. Ka vido tuare mare ghathodi thedi kolho. Naikno tuare jateula khoveo te pala te mei nuri ia eghu kolho, nu theo kaisei nakhete te mei na. Eghuteuna mare jateula gaju te theome ure kate thoke mei nhigra dira eghu kolho. Eghume mae glokure ginauna na rathu koko naikno tuare mala koko lao ka khaꞌaghi. Mae velepuhi chaichaghi igre jateula gaju tela botohi ia eghu.

Hibru 6:8

Keha naiknore jateula vido glose te kotu phono nei sokiaro teu ia eghu ne theome keli kolho. Ke leghu na God ginauna na tibrini glose tuana nei na nako ka khaꞌaghi.

Profet Isaia 5:4

Iara la edihi gobigna lepore ka nogu nagare iara igne eghuteuna iara theome laseni unha nate eni tagna na. Kate tei mala hata sisi teu iara tagna na, iara ne filodi kolho sisi te diꞌare.

Matiu 21:18

Hamerane boibongi, kate pulo Jerusalem na, mae Jisas ne rofo.

Nonomho Te Keli Teke Risoi Mae Mak 11:12

Ka keha narane teke mei mare funudi Betani na, mae Jisas ne rofo.

Thoutonu Eigna Mae Job 8:17

Glathigna buburu te diꞌa igne agra faligohoni thina biꞌo na, eghuteuna loku famaku.