Nonomho Te Keli Teke Risoi Mae Mak 11:13 - Buka Blahi Ka Cheke Holo

¹³ Aonu, mana ne filo teini kaisei gaju fig te au teu delei te thugru teu jare na. Mana tei ne filo, glahula au keha sisi tagna. Nu kate lao mana rhegnai na, mana theome filoni kaisei sisi khogla khaklagna kolho te thugru na, naugna theome thokeni ngau nogna narane te mala ure na.

Nonomho Te Keli Teke Risoi Mae Mak 11:13 ပူးပေါင်းရင်းမြစ်များ

Matiu 21:19

Kate filoni kaisei gaju fig ka geri nabrou na, mana tei ne filo, eghuteuna theo kaisei sisi te au na, nu khogla khakla kolho. Mana ne cheke eghu ka gaju na, “Funu gognaro te haghe na iagho ginauna theo sisimu!” Aonu, gaju tuana ghosei ne brango soru.

Profet Isaia 5:7

Tutuani, nogna nagare grep Lord mae ihei te au nolaghi fateote'o igne, naiknodi Israel. Uve, ghotilo naiknomi Juda igre jateula kaisei nagare te thono magnahagheni fara ia eghu. Lord na thono rouronu fara ka ghotilo te mala fatedi keha naiknore ka puhi te doglo, nu ghotilo falehedi koba naiknore. Mana rouronu ka ghotilo te mala leghuni puhi te doglo na, nu ghotilo paradi koba naiknore eghu.

Luku 10:31

Eghuteuna ke leghugna igne, kaisei mae pris leghu nabrou ne soru, eghuteuna kate filoni mae igne, mae pris igne ne tei sala'u ka keha phile nabrou na.

Ululahu Samuel 6:9

Eghuteuna ghotilo filo fakeli ka repa mala laseni jame hata doglo te tei repa Bokis Blahi igne ka namono Bet-Semes ka nogna kantri na. Jame te eghuna, tuana gaoghatho teke au ka Lord te mala goigoni ghita tahati na. Nu jame theome doglo te tei repa ka vido tuana na, nodi God mae Israel gre neke theome kuru meini puhi biꞌo igne ka tahati.”

Thoutonu Eigna Rut 2:3

Aonu Rut ne tei ka nagare na. Naꞌa ne tei ke leghudi mae glokure ne salo phaꞌudi bali te lilisei faleghu teke tei mae glokure. Nu Rut theome laseni nagare igne te nogna nagare mae Boas, vikegna mae Elimelek teu na.

Profet Isaia 5:2

Mana dokha koko thina te au ka glose igne mala joꞌu grep. Mana horo kaisei suga mala toetoe mala reireghi vido igne. Mana eni kaisei vido ka thina mala poji sisi grep. Eghuteuna mana ginauna rouronu sisi te keli, nu sisi te diꞌa kolho te thakle mei na.

Nonomho Te Keli Teke Risoi Mae Mak 11:12

Ka keha narane teke mei mare funudi Betani na, mae Jisas ne rofo.

Nonomho Te Keli Teke Risoi Mae Mak 11:14

Mae Jisas ne cheke eghu ka gaju fig na, “Funu ka narane gognaro ao ghu te haghe na, theo kaisei naikno na teke ghamuni sisimu iagho na!” Mae fanomhore ne nomhini cheke mana igne.