Nonomho Te Keli Teke Risoi Mae Mak 10:52 - Buka Blahi Ka Cheke Holo

⁵² Aonu, mae Jisas ne cheke eghu ka mana, “Keliu ngala, tei sagho, naugna nou fatutuani iagho na teke fakeli nigho na.” Ka vido tuana mana ghosei ne fifilo fakeli ne tei ke leghugna mae Jisas ka nabrou na.

Nonomho Te Keli Teke Risoi Mae Mak 10:52 ပူးပေါင်းရင်းမြစ်များ

Matiu 9:22

Nu mae Jisas figri lao ne cheke eghu ka naꞌa, “Naikno biꞌo, thosei nanga nou! Iagho kela keli fapulo naugna iagho ne fatutuani.” Funu ka vido narane tuana naꞌa ghosei neke keli fapulo nogna.

Luku 7:50

Mae Jisas ne cheke eghu ka naikno biꞌo na, “Iagho fatutuani ghau iara. Naugna igne iara ne fakarha nigho ka nakhibo. Jifla tei kau pharikeli.”

Nonomho Te Keli Teke Risoi Mae Mak 8:25

Mae Jisas neke fapea habo laoi ka tathagna mana re. Aonu gognarona mana feferha fabiꞌo tathagnare neke fifilo fakeli, neke filo glanidi gobigna lepore.

Nonomho Te Keli Teke Risoi Mae Mak 5:34

Mae Jisas ne cheke eghu ka naꞌa, “Naikno biꞌo, iagho kela keli fapulo naugna iagho ne fatutuani. Iagho tangomana te tei na, eghuteuna thosei nanga nou naugna iagho ginauna nake theome au papara.”

Jone 9:32

Funu tifa te mei ka vuvuhagna nauthoglu igne te ghilei mei posa gognarona tahati theome nomhini kaisei naikno te fakelini tathagna mae teke karha dofu na.

Matiu 15:28

Aonu mae Jisas ne cheke eghu ka naꞌa, “Naikno biꞌo, iagho kaisei naikno fatutuani ghau iara fara! Unha te magnahagheni iagho na ginauna eni tutuani ranghi nigho.” Eghuteuna, ka vido tuanala thugna gaꞌase naꞌa na neke keli fapulo.

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Nonomho Te Keli Teke Risoi Mae Mak 1:31

Aonu mae Jisas tei ne loku ka khamegna na ne fakegra haghe. Eghuteuna fogra igne ghosei ne gnafa ka naꞌa. Ke leghugna igne naꞌa kegra haghe ne tarabana gano ne faꞌimadi mare.

Matiu 21:14

Naikno te dofu nei naikno te blughu teure ne mei ka mae Jisas ka Sugablahi na. Eghuteuna mana ne fakelidi ne gnafa.

Matiu 12:22

Ke leghugna igne keha naiknore hata ne mei kaisei mae ka mae Jisas. Mae igne dofu nei iho cheke eghu, naugna kaisei naitu au ka mana. Aonu mae Jisas fakelini mae igne neke tangomana teke fifilo nei ke facheke teuna.

Jone 9:39

Mae Jisas ne cheke eghu, “Iara mei ka nauthoglu igne mala fatakle nakhibodi naiknore. Nu tathadi naikno teke dofure ke fifilo, eghuteuna naikno ne fifilohi thedi teure nake dofu.”

Matiu 11:5

Iara gognarona fakelidi naikno te dofu, naikno te blughu, naikno te thubu biꞌo, naikno teke megli, fakarha fapulodi naikno teke lehehi, nei toutonuni Nonomho te Keli na ka naikno te kumare.

Profet Isaia 35:5

Ka narane tuana, iheire teke dofu ra ginauna nake fifilo fapulo, eghuteuna iheire te megli ra, ginauna nake nonomho.

Nodi Khoje Hatimare Mae Jiu 146:8

Mana tothora tathadi iheire te dofu nei togho haghedi iheire te au pari lahu ka nakarhadire. Eghuteuna mana namhadi nei toghodi eghu fabrahu iheire te doglo puhidire.

Nodi Khoje Hatimare Mae Jiu 33:9

Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Luku 9:48

Ke leghugna igne mana ne cheke eghu ka mare, “Mae ihei te toghoni sua igne ka nanghagu iara na, mana togho ghau la iara. Eghuteuna ihei te togho ghau iara na, mana theome togho ghau iara kolho nu togho nila mae teke kuru mei ghau iara na. Mae ihei te lisei soruni thegna pari lahu na, mana ngala mae te biꞌo lahu ka ghotilo te gnafa na.”

Matiu 8:3

Aonu mae Jisas ne habo lao ka mana ne cheke eghu, “Uve, iara magnahaghei, ke salhu silagho!” Kau chekegna mae Jisas tuana, thubu ka thinigna mana re ghosei neke salhu fapulo.