Nonomho Te Keli Teke Risoi Mae Mak 10:48 - Buka Blahi Ka Cheke Holo

⁴⁸ Kmana naikno mare ne cheke faheta ka mana mala megei. Mana ne tirogna fanomho ka mare ne eha eghu fabiꞌo fara, “Vikegna mae King Devet, kokhoni ghau iara!”

Nonomho Te Keli Teke Risoi Mae Mak 10:48 ပူးပေါင်းရင်းမြစ်များ

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Luku 18:39

Naikno te au ului ka thei na ne cheke ka mae te dofu na mala megei. Nu mae te dofu na ne tirogna fanomho ka mare ne eha eghu fabiꞌo fara, “Vikegna mae King Devet, kokhoni ghau iara!”

Nonomho Te Keli Teke Risoi Mae Mak 5:35

Kate facheke nga teu mae Jisas ka naꞌa na, keha naikno ne mei funudi ka sugagna mae Jaerus mae biꞌo gna suga tharai na. Mare mei ne cheke eghu ka mae Jaerus, “Ghema, thumu gaꞌase iagho na la lehehi! Thosei fagloku biꞌoni mae velepuhi na.”

Matiu 20:31

Naikno te gnafare ne cheke faheta ka phiamare mala megei. Aonu phei mae te dofu igre heta ghedi ne eha ne eha, “Lord, vikegna King Devet, togho ghami ghepa!”

Matiu 19:13

Ke leghugna igne, keha naiknore hata ne mei goro suare ka mae Jisas, mala habo mana ke klignadi mala taraidi nei fablahidi eghu. Kate filoni igne, mae fanomhore ne cheke faheta ka naiknore mala thosei hata mei goro suare ka mana.

Profet Jeremaea 29:13

Eghuteuna jame te hiro ghau iara ghotilo ka gaoghathomi fateote'o nei ka nomi glalase fateote'o teuna, ghotilo ginauna filo ghau iara.

Efesus 6:18

Kate edi ghotilo glepo igre, ghotilo tarai nei toreni God eghu mala togho ghami mana. Tarai fabrahu ka nogna nolaghi mae Tharunga te Blahi. Tutuani, ghotilo tarabana fakeli koba nei thosei babaꞌo nei taraidi koba hatimare nogna naikno God fateote'o.

Matiu 9:27

Kate jifla mae Jisas ka vido tuana, phei mae te dofu ne funu leghuni mana ne eha eghu ka mana, “Iagho vikegna mae King Devet, kokhoni ghami ghepa!”

Nonomho Te Keli Teke Risoi Mae Mak 10:13

Keha naiknore hata ne mei goro suare ka mae Jisas mala fablahidi mana. Nu nogna mae fanomho mana re ne cheke ka naiknore mala thosei hata mei suare ka mana.