Nonomho Te Keli Teke Risoi Mae Mak 10:43 - Buka Blahi Ka Cheke Holo

⁴³ Nu ghotilo thosei jateula tuana eghu fari hoteimi themi. Mae ihei te magnahaghei mae biꞌo ka ghotilo na, mana mala jateula mae gloku eghu ka ghotilo.

Nonomho Te Keli Teke Risoi Mae Mak 10:43 ပူးပေါင်းရင်းမြစ်များ

Luku 14:11

Eghume, mae ihei te nhaꞌa faꞌuluni thegna na, God ginauna nake nhaꞌa faleghuni mana. Nu mae ihei te nhaꞌa faleghuni thegna na, God ginauna nake nhaꞌa faꞌuluni mana.”

Nonomho Te Keli Teke Risoi Mae Mak 9:35

Aonu, mae Jisas gnokro soru ne kilodi nabotho phei mae fanomhore ne cheke eghu ranghidi, “Jame kaisei mae ka ghotilo magnahaghei mae biꞌo, mana na lisei soruni thegna pari lahu mala mae nomi naikno gloku ghotilo hui.”

Luku 9:48

Ke leghugna igne mana ne cheke eghu ka mare, “Mae ihei te toghoni sua igne ka nanghagu iara na, mana togho ghau la iara. Eghuteuna ihei te togho ghau iara na, mana theome togho ghau iara kolho nu togho nila mae teke kuru mei ghau iara na. Mae ihei te lisei soruni thegna pari lahu na, mana ngala mae te biꞌo lahu ka ghotilo te gnafa na.”

Letas Teke Riso Tei Mae Pol Ka Khiloau Rom 12:2

Thosei lisa lao ghami themi mala leghuni puhigna naikno te diꞌa te au ka nauthoglu igne, nu lisa lao ghami ka God mala tughu mana nakarhamire, kate tusu ari gaoghatho majaghani ka ghotilo na. Ka puhi igne ghotilo ginauna tangomana te filo glanini unha te magnahagheni God na. Eghuteuna eni glepo te keli nei te doglo fabrahu teuna, nei eni glepo te keli tagnadi God.

Galesia 5:13

Uve kheraguro, God neke kilo ghami ghotilo mala au snagla! Theome snagla mala eni ghotilo kaisei najafra, nu snagla mala namha nei fari totoghoi eghu.

Jone 18:36

Mae Jisas ne cheke eghu ka mana, “Iara mae King, nu iara theome jateula king gna nauthoglu pari igne eghu. Jame mae king gna nauthoglu pari igne iara meuna, nogu mae fanomho iara gre jame magra heta eigu iara mala theome atha ghau iara mae Jiu gre. Iara mae King, nu iara theome jateula ngau keha mae king te funei frunidi naiknogna nauthoglu pari igne eghu sia.”

Luku 18:14

Mae Jisas ne cheke eghu ka mare, “Te chekeni iara ka ghotilo na. Mae te diꞌa igne kate ke pulo ka suga na, mana ne thono doglo fara ke ulugna God, eghuteuna mae Farasi gne ne theo kolho. Eghume mae ihei te fahaehagheni thegna na, God ginauna nake nhaꞌa faparini mana, nu mae ihei te nhaꞌa faparini thegna na God ginauna nake nhaꞌa fahagheni mana.”

Nonomho Te Keli Teke Risoi Mae Mak 10:42

Aonu, mae Jisas ne kafe kilo fodudi mare ne cheke eghu, “Ghotilo lasedi nodi funei naikno te theome mae Jiu gre mare magnahaghei te falalase nodi nolaghi na ke klignagna nodi mavitu na. Eghuteuna nodi mae baubature magnahaghei te kafe falalase nodi nolaghi ra.

Nonomho Te Keli Teke Risoi Mae Mak 10:44

Mae ihei te magnahaghei mae kligna lahu ka ghotilo na, mana mala jateula kaisei mae sneka eghu ka ghotilo gnafa.

Luku 22:26

Nu ghotilo na theome mala jateula tuana eghu. Mae ihei te mae biꞌo lahu ka ghotilo na, mana mala jateula kaisei mae sitei eghu kolho, eghuteuna mae ihei te mae baubatu na mana mala mae gloku.