Nonomho Te Keli Teke Risoi Mae Mak 10:39 - Buka Blahi Ka Cheke Holo

³⁹ Phiamare ne cheke eghu ka mae Jisas, “Uve, ghepa tangomana.” Mae Jisas ne cheke eghu ka phiamare, “Tutuani fara, ghopa ginauna au papara jateula nafnata na au papara nate eni iara gne eghu.

Nonomho Te Keli Teke Risoi Mae Mak 10:39 ပူးပေါင်းရင်းမြစ်များ

Thakle 1:9

Iara mae Jone, kaisei mae kherami ghotilo ka khiloau eigna tahati te gnafa na kafe fatutuani ni mae Jisas. Kraes na noda King eghuteuna tahati mala kegra heta fodu, neubane para ghita naiknore. Tutuani, mare lilisei ghau iara ka suga sosolo ka moumolu ikoi Patmos, eigna iara ne toutonuni chekegna God na nei cheke ka tutuani eigna mae Jisas.

Mae Khuru 12:2

Mana ne chekedi keha mae mala faghorehoni mae Jemes tahigna mae Jone ka naflahi.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Jone 17:14

Iara la tusu laohi ka mare nou farirhiu iagho ra. Eghuteuna naiknogna nauthoglu igne theome magnahaghedi mare, naugna mare theome nogna nauthoglu igne, jateula ngau iara gne theome nogna nauthoglu igne.

Jone 15:20

Thosei ghatho ihoni cheke teke cheke eghu iara ka ghotilo tifeiro ia, ‘Mae gloku na theome tangomana te uluni nogna mae funei na.’ Te theome magnahaghei ghau iara mare na, naiknore ginau nake theome magnahaghei ghami la ghotilo. Te leghudi mare nogu cheke iara re, mare ginauna leghudi la nomi cheke ghotilo re.

Jone 13:37

Mae Pita ne cheke eghu ka mana, “Lord, naugna unha site theome tangomana iara te leghu nigho iagho gognaro na ia? Tutuani fara, iara tarabana mala lehe ranghi nigho iagho.”

Nonomho Te Keli Teke Risoi Mae Mak 14:36

Mana ne tarai eghu, “Mama! Mama! Glepo te kmanare theome ninhigrana ka iagho te edire. Thosei snakre ghau iara mala au papara ka nafnata puhi igne. Nu eni unha te magnahagheni iagho themu na, thosei leghui unha te magnahaghei iara na.”

Nonomho Te Keli Teke Risoi Mae Mak 14:31

Mae Pita ne cheke eghu balu faheaheta, “Neubane lehe iara balumu iagho, iara ginauna na theome chekeni ne iho iagho teuna!” Keha mae fanomhore jaola ne kafe cheke eghu.

Matiu 10:25

Mae sikolu na nabagna te mala jateula nogna mae velepuhi na teuna, nu mae gloku na nabagna te mala jateula nogna mae funei na teuna. Nu keha naiknore kilo ghau iara Bielsebul, kaisei nanghagna mae Satan. Nu te cheke eghu mare ka iara nomi mae funei ghotilo na, mare ginauna na eghu la cheke fadiꞌa ghami ghotilo ke tulao gu iarai.”

Matiu 3:6

Mare ne cheke thakledi nakhibodire, eghuteuna mae Jone ne faꞌapublahidi mare ka Kho'u Jordan.