Nonomho Te Keli Teke Risoi Mae Mak 10:34 - Buka Blahi Ka Cheke Holo

³⁴ Naikno tuare ginauna maꞌe ghau, kmisu ghau, puri ghau ka phukri nei falehe ghau eghu iara. Eghuteuna ka fatilo narane na iara nake karha fapulo.”

Nonomho Te Keli Teke Risoi Mae Mak 10:34 ပူးပေါင်းရင်းမြစ်များ

Nonomho Te Keli Teke Risoi Mae Mak 14:65

Keha naikno jare ne kmisuni mana. Mare haru tafru phei tathagna mana re ne tutini mana. Mare ne cheke eghu ka mana, “Iagho kaisei mae profet, mae ihei si teke tuti nigho iagho ia?” Mae greireghi re tathaleini mae Jisas ne tei purini mana.

Matiu 26:67

Naiknore ne kmisu ka tathagna manare, nei tutini mana. Aonu keha naiknore ne taponi mana.

Matiu 16:21

Funu ka narane tuana te haghe na mae Jisas ne funu cheke eghu ka nogna mae fanomhore, “Iara na tei Jerusalem. Hatimare mae biꞌodi mae Jiu nei hatimare mae pris ulu nei hatimare mae velepuhigna vetula nogna mae Moses mare ginauna na para ghau nei eꞌei puhi mala falehe ghau iara. Eghuteuna ka fatilo narane na God nake fakarha fapulo ghau iara kau glehe.”

Ululahu Korin 15:4

Eghuteuna mare neke giugiluni mana, eghuteuna God neke fakarha fapuloni mana ka fatilo narane na, jateula te chekeni teu ka grioriso te blahi ia.

Jone 2:10

ne cheke eghu ka mana, “Funu tifa te mei na tahati kulu tufa koba waen te keli na ka naiknore. Ke leghu, kate koꞌu fara mare waen te keli na, ame tufa nga waen te theome raꞌe keli na leghu lahu eghu sia. Nu iagho ne tathaji neu ngala waen te keli na ne ghilei thoke gognaro gne.”

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Luku 23:11

Aonu mae Herod baludi nogna mae soldiare ne funu maꞌeni mae Jisas cheke faparini mana. Mare ne fapoko lao kaisei phoko te khuakhuda ka mana, mala jateula mae king eghu mana. Aonu mare ne kuru teini mana ka mae Paelat.

Nonomho Te Keli Teke Risoi Mae Mak 14:63

Kate nomhini mae pris biꞌo na cheke igne, mana ne diꞌatagna fara. Mana rerheku nogna phoko thegna na, ne cheke eghu, “Tahati theome magnahaghedi keha kmana naikno te mei te mala toutonu eigna mae igne.

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Profet Isaia 50:6

Kate mei mare te purini thagrugu iara na, iara ke figri lao bakoguna mala tungnu mare gremohogure. Iara theome lhotidi tathagu nei foflogu teure, mala kmisudi mare.

Nodi Khoje Hatimare Mae Jiu 16:10

Iagho ginauna na theome snakre tei ghau iara ka namonodi naikno tela lehehi ra. Iagho theome snakre ghau iara te mala boto ke lamna gluma na naugna iara ne namha nigho iagho.

Profet Hosia 6:2

Katha vido kmoꞌei kolho mana ginauna tangomana na teke fakeli fapulo ghita na. Eghuteuna tahati ginauna nake au balugna mana fabrahu.

Nodi Khoje Hatimare Mae Jiu 22:13

Mare tarabana mala goigoni ghau iara, jateula lion te rofo te nganga teu foflogna na te mala tomno lao bosu ra eghu.

Thoutonu Eigna Mae Job 30:10

Mare tirodi ghau iara, eghume mare mei kmisu kolho ka tathagu iara re.

Matiu 27:63

Mare ne cheke eghu ka mana, “Mae biꞌo, ghehati kela ghathoni teke cheke eghu mae te chaichaghi ia kani karha tekeu mana ia, ‘Iara ginauna nake karha fapulo ka fatilo narane na.’

Nonomho Te Keli Teke Risoi Mae Mak 9:31

Naugna mana neke farirhiudi nogna mae fanomhore ne cheke eghu ka mare, “Iara mae teke mei funu ka God gne ginauna mare na snakre lao ghau iara ka khamedi naiknore mala falehe ghau iara. Nu ka fatilo narane na iara ginauna nake kegra fapulo kau karha.”