Nonomho Te Keli Teke Risoi Mae Mak 10:24 - Buka Blahi Ka Cheke Holo

²⁴ Mae fanomhore ne jaglo nodi fara ka nogna cheke mana igre. Nu mana ne cheke eghu ka mare, “Tore, kheraguro, thono ninhigrana fara ranghini kaisei naikno te au baludi naikno God te funei frunidire.

Nonomho Te Keli Teke Risoi Mae Mak 10:24 ပူးပေါင်းရင်းမြစ်များ

Proveb 11:28

Ihei te rouronu kolho ka sileni na, mana ginauna gnhagha jateula buburu eghu. Nu nakarhagna ihei te doglo na ginauna jateula khakla gaju te karha keligna ia eghu.

Thakle 3:17

Uve, ghotilo ne cheke eghu, ‘Ghehati dedei fara, eghuteuna la auhi gobigna lepo te magnahaghedi ghehati re.’ Nu ghotilo theome lasedi kolho eghu! Tutuani, ghotilo nabami te au diꞌanagnafa na, naugna ghotilo ne kmo'e ka nogna thofno gobigna lepo God re. Ghotilo kuma fara ke ulugna God, naugna puhimi ghotilo re thono diꞌa fara. Ghotilo soesole, naugna ghotilo ne theome fatutuani ni God. Tathamire jaola ne dofu, naugna ghotilo ne theome raꞌe laseni mana.

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Luku 16:14

Mae Farasi nomhini igne ne maꞌeni mae Jisas, naugna mare magnahaghe sileni fara.

Proveb 18:11

Nu te ghathoni mae te dedei na, nogna sileni gre nate barani nakarhagna na jateula namono biꞌo te bara te maku ia eghu.

Nodi Khoje Hatimare Mae Jiu 62:10

Thosei cheke eghu ka gaoghathomire, “Puhi te magra nei puhi te blau teugre ngala puhi keli fara, eigna tahati na dedei noda fara.” Eigna neubane dedei ghotilo ba ne fnakno ghotilo, u dedei nei nafnakno teu tuare ginauna theome fakarhi ghami ghotilo, eghume ghotilo thosei rouronu ka glepo igre eghu.

Ululahu Jone 2:1

Uve thuguro, iara riso ari letas igne ka ghotilo mala thosei tapla jafra ka nakhibo. Nu jame ihei te tapla jafra ka nakhibo na, tahati au mae Jisas Kraes kaisei mae te doglo fara mala togho ghita. Mana mala tore ghita ke ulugna God Mama.

Jone 13:33

“Uve, thuguro, iara ginauna theome au faraugha balumi ghotilo. Iara na jifla tei koko ghami ghotilo. Ghotilo ginauna hari ghau iara, nu ghotilo na theome filo ghau iara. Jateula teke chekeni iara tifei ka goro mae biꞌodi mae Jiura eghu, eghuteuna te chekeni iara gognarona, aheva te tei iara na ghotilo ginauna theome tangomana te mei na.

Profet Sefanaea 1:18

Ka Narane te diꞌatagna God igne, silva nei gol teu igre ginauna theome tangomana nate toghodi mare na. Naugna diꞌatagna God igne thofno brana fara jateula khaꞌaghi te brana te nhako fahui namhata biꞌo ra eghu. Eghume diꞌatagna God igne ginauna na jateula tuana eghu na falehedi hui naikno te gnafa ka nauthoglu igne.”

Profet Habaku 2:9

“Kokhoni ghami fara ghotilo iheire te hata nodi glepo keha naiknore te mala dedei nodi khetomi, thumi nei kherami teu themi are. Eghuteuna gognarona ghotilo babana nomi famane suga maku mala theome tangomana ihei te mei roꞌeni, jateula gnoku gaghata te au kligna ka phaꞌu gajura eghu.

Profet Jeremaea 9:23

Lord ne cheke eghu, “Ihei te lalase na thosei fahaehagheni nogna glalase na. Eghuteuna ihei te nheta na thosei fahaehagheni nogna nanheta na. Eghuteuna ihei te dedei na thosei fahaehagheni nogna dedei na.

Proveb 23:5

Dedei tuare ginauna kmeri tatha kolho tei dofidi jateula nanghaji te flalo te tei nogna ia eghu.

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Ululahu Jone 5:21

Uve thuguro, reireghi fakeli ghami themi ka mumuju are. Me gnafa. Iara, mae Jone.

Ululahu Jone 4:4

Uve thuguro, ghotilo nogna God, eghuteuna ghotilo tapla sorudihi mae profet chaichaghi gre, naugna mae Tharunga te Blahi te au balumi ghotilo na au nolaghi fara uluni mae Satan, mae ihei te au ka naikno te leghuni puhigna nauthoglu gne.

Galesia 4:19

Thuguro, iara haimini fabrahu eigna iara jateula gaꞌase te namo fakarha sua ia eghu. Naugna iara kabru ghegu fara, eigna iara ofoni narane te mala thofno leghuni ghotilo puhigna mae Jisas Kraes.

Jone 21:5

Aonu, mana ne cheke eghu ka mare, “Kheraguro, ne atha keha sasa ghotilo ia?” Mare ne cheke eghu, “Theo kolho.”

Jone 6:60

Kmana ka naikno teke leghuni fabrahu mae Jisas igre nomhini u nafnata farirhiu igne ne cheke eghu, “U farirhiu igne thono ninhigrana fara. Ginauna theome tangomana kaisei naikno nate fatutuanidi u nafnata farirhiu igre.”

Matiu 19:25

Kate nomhini cheke mana igne, mae fanomhore jaglo ne faꞌihodi fara. Aonu mare ne ghusna eghu ka mana, “Tore! Te eghu na, mae ihei ngala si nate hatani u thofno nakarha na ia?”

Nonomho Te Keli Teke Risoi Mae Mak 1:27

Naiknore jaglo nodi fara ne funu cheke eghu fari thedi, “Tore, unha si gnea? Keha nafnata farirhiu majaghani jau? Mae igne cheke faheta fara jateula mae te au nolaghi eghu. Te cheke faheta mana ka naiture, mare faꞌuveni ngala mana!”

Nonomho Te Keli Teke Risoi Mae Mak 10:23

Aonu, mae Jisas ne filo lao ka nogna mae fanomhore ne cheke eghu, “Ninhigrana ka naikno te kmana nodi dedeire te au ke baludi naikno God te funei frunidire!”