Nonomho Te Keli Teke Risoi Mae Mak 10:14 - Buka Blahi Ka Cheke Holo

¹⁴ Kate filoni mae Jisas igne, mana ne diꞌatagna fara ka mae fanomhore, ne cheke eghu ka mare, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.

Nonomho Te Keli Teke Risoi Mae Mak 10:14 ပူးပေါင်းရင်းမြစ်များ

Matiu 19:14

Nu mae Jisas ne cheke eghu ka mare, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.”

Matiu 18:10

Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.

Matiu 18:4

Eghume mae ihei te nhaꞌa faparini thegna jateula sua igne teuna, mana ngala kaisei mae biꞌo te thofno nabagna te au ke lamnadi nogna naikno God igre.

Ululahu Pita 2:2

Nu ghotilo mala jateula sua gegeꞌe te karha majaghani te magnahaghei chuꞌu ia eghu kolho. Naugna ghotilo nabami na magnahaghei farirhiu te famane klino nei bligi eghu kolho. Eghuteuna ghotilo ginauna tangomana te kotu haghe ka farirhiu igne nei ginauna hata u thofno nakarha eghu.

Fapea Timoti 3:15

Jaola, vuha suamu te mei na, iagho lasedihi u grioriso te blahi igre. Eghuteuna farirhiu igre tangomana te tusu ranghi nigho gaoghatho te keli nei batu nigho kau nakarha te keli naugna iagho ne fatutuani ni mae Jisas Kraes.

Thakle 14:5

Mae igre neke theo kaisei cheke chaichaghi te jifla mei ka foflodire. Tutuani fara, mare thofno doglo fara ka tathagna God na.

Fapea Timoti 1:5

Iara laseni nou fatutuani iagho ka Lord Jisas Kraes na thono heta fara, jateula teke eni kavemu Loesi ghe idomu Iunisi tifa ia eghu. Te ghathoni fara iara na u nafnata fatutuani te heta fara tuana te au ka iagho gognaro na.

Efesus 4:26

Ne diꞌa tamu nganu, thosei snakreni diꞌa tamu na mala eni kaisei najafra. Thosei diꞌatami fabrahu ghilei plulu naprai na.

Ululahu Korin 14:20

Kheraguro, puhimi ghotilo re mala klino jateula sua eghu. Thosei edi glepo te diꞌare. Nu ghotilo mala au jateula mae tela biꞌohi eghu ka puhimire ka khiloau gne, thosei ghaoghatho jateula mae sua eghu.

Ululahu Korin 7:14

Mae ihei te theome fatutuani na, mana tangomana te mei namo ka God na, naugna mana ne kaisei balugna thau khiloau te tolaghi mana tagna na. Eghuteuna gaꞌase te theome fatutuani na, naꞌa tangomana te mei namo ka God naugna naꞌa ne kaisei balugna mae khiloau te tolaghi naꞌa tagna na. Jame te theome tutuani igne na, thumi ghotilo re ginauna theome doglo ka tathagna God na. Nu gognaro na naugna ka nomi fatutuani ghotilo idodi kmadira, thumi ghotilo re tangomana te mei namo ka God.

Letas Teke Riso Tei Mae Pol Ka Khiloau Rom 11:28

Naugna mae Jiu gre mare tirodini u Nonomho te Keli na, mare nogna naoka God. Eghuteuna igne togho ghami ghotilo iheire te theome Jiura. Nu naugna nogna nhaꞌa cheke teke eni mana ka mae ku'edi mae Israel ra, God namhadi fara iheire mana teke vahidi.

Letas Teke Riso Tei Mae Pol Ka Khiloau Rom 11:16

Jame te kulu fafara lao tahati katha vido bret ka God na, u bret thongana tuana la nogna God hila. Jame glathigna kaisei gaju na nogna God gregere ginauna jaola nogna God.

Mae Khuru 3:25

U nhaꞌa cheke teke chekedi God ka mae Profet ra malami ghotilo neku, jateula u nhaꞌa cheke teke edi God ka mae kuꞌeda tifa ra. God neke nhaꞌa cheke eghu ka mae kuꞌeda Ebraham, ‘Funu ka goro thumu iagho gre iara ginauna na fablahidi naikno te hui ka nauthoglu igne.’

Mae Khuru 2:39

Naugna u nogna nhaꞌa cheke God igne mala nomi ghotilo, nei maladi goro thumi are nei maladi iheire te theome karha nga teu. Uve, u nhaꞌa cheke igne maladi naikno te gnafa teke kilo meidi noda Lord.”

Nonomho Te Keli Teke Risoi Mae Mak 8:33

Mae Jisas ne figri lao ka nogna mae fanomhore ne cheke eghu ka mae Pita, “Iagho mae Satan, tei nou! Iara kilo nigho iagho mae Satan naugna iagho magnahaghei fanagra ghau iara te mala eni unha te magnahagheni God na. Unha te chekeni iagho igne theome mei funu ka God, nu nogna gaoghatho naikno kolho.”

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Profet Isaia 65:23

Gloku teke eni mare igne ginauna na theome fiti luvu kolho, eghuteuna theo kaisei puhi biꞌo nate thokedi thudi mare re. Leuleghu fata na, iara Lord ginauna fablahidi mare, eghuteuna iara ginauna jaola fablahidi naikno nate karha mei ke leghudi mare igre.

Nodi Khoje Hatimare Mae Jiu 78:4

Tahati thosei pophoru ka thudare glepo igre, nu tahati toutonu ranghidi thudare nei ranghidi iheire nate karha mei thogheiro. Tahati toutonu ranghidi eigna nogna nolaghi te mala edi koba kofubobhoi nei gloku te biꞌo teure.

Diutronomi 4:37

Naugna mana neke namhadi fara kuꞌemi ghotilo tifa ra, mana neke vahi ghami ghotilo mala nogna naikno mana. Eghume ka nogna nolaghi mana, mana neke hata fajifla ghami Ijep.

Naba 14:31

Ghotilo cheke eidi naiknodi Kenan gre ginauna atha fadelei thumi ghotilo re, nu iara ginauna athadi mare tei ka vido te tiromini ghotilo ia.

Jenesis 17:7

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Ululahu Samuel 1:22

Nu Hana ne theome tei baludi ne cheke eghu ka khetogna na, “Kate biꞌo sua na iara ginauna hata tei mala au fabrahu mana ka Suga gna Lord na.”

Ululahu Samuel 1:11

Hana ne eni kaisei naꞌa cheke ne cheke eghu, “Lord iagho mae ihei te au nolaghi fateote'o. Kokhoni ghau iara. Filo meini puhi biꞌo te au ka iara igne. Ghatho mei ghau, those ghatho koko ghau! Jame te tusu mei iagho kaisei sua ka iara na, iara nhaꞌa cheke, iara ginauna nake tusu fapulo ka lagho, mala nou mae gloku iagho ka nakarha gna fateo na. Eghuteuna mala laseni naiknore mae igne mala nou mae gloku iagho, eghuteuna mare ginauna theome kuchi khaklagna na.”

Matiu 5:3

“Keli tadi iheire te laseni te fnota ka God na, mare ginauna theome ludeni nakarha te tutuani na. Naugna God ginauna funei frunidi nafnata naikno igre.

Matiu 5:10

Keli tadi iheire te au papara eigna te eni unha te magnahagheni God na. Naugna God ginauna funei frunidi nafnata naikno igre.

Jone 3:3

Mae Jisas ne cheke eghu ka mana, “Uve, tutuani fara te chekeni iara ka iagho na. Theo kaisei naikno tangomanani te ruma ke lamnadi naikno te funei frunidi God re ghilei ke karha majaghani ghu mana.”

Jone 3:5

Aonu, mae Jisas ne cheke eghu ka mae Nikodimas, “Tutuani fara te chekeni iara ka iagho na. Te theome karha mana kau khoꞌu nei Tharunga te Blahi teuna mana theome nabagna te au baludi naikno te funei frunidi God.

Josua 8:35

Mae Josua ne iuꞌiju fahui cheke te gnafa teke rioriso mae Moses igre, eghuteuna maedi Israel te gnafa igre ne kafe nomhini nogna vetula mae Moses igne. Eghuteuna goro gaꞌase, goro sua, nei mae phosadi ka keha namono igre eghu jaola au neu baludi mare ne nomhini cheke igne.