Nonomho Te Keli Teke Risoi Mae Mak 10:1 - Buka Blahi Ka Cheke Holo

¹ Ke leghugna igne, mae Jisas jifla jare ne tei ka nohi Judia eghuteuna ke kasa ke maghati Kho'u Jordan. Aonu, kmana naikno fara ne mei ka mana jare. Eghuteuna mana jateula nafnata puhi te edi thegna ra neu ne funu farirhiudi naiknore.

Nonomho Te Keli Teke Risoi Mae Mak 10:1 ပူးပေါင်းရင်းမြစ်များ

Jone 10:40

Eghuteuna, ke leghugna igne mae Jisas pulo neke kasa ka keha phile Kho'u Jordan. Mana neke tei au ka vido teke fa'apublahi naikno mae Jone tifa ia.

Nonomho Te Keli Teke Risoi Mae Mak 4:2

Mae Jisas ne farirhiudi kmana glepo kau cheke naba. Mana ne cheke eghu ka naiknore,

Jone 11:7

Ke leghugna igne mana ne magnahaghei tei filoni mae Lasaros, ne cheke eghu ka nogna mae fanomhore, “Tahati na ke pulo Judia.”

Nonomho Te Keli Teke Risoi Mae Mak 6:34

Kate longa mae Jisas mata na, mana ne filoni kaisei nakhapru biꞌo ofo neu jare. Mae Jisas ne kokhoni nognadi, naugna mare ne jateula sipu te theo kaisei naikno te reireghidi ra neu. Aonu mana ne funu farirhiudi kmana glepo naba te mala lasedi mare re.

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Profet Jeremaea 32:33

mare te gnafa na tirodi filo ghau iara eghuteuna mare figri tagru ghau iara fabrahu. Neuba iara ne farirhiudi fabrahu puhi te doglo na, nu mare tirodi fanomho ka iara.

Jone 18:20

Mae Jisas ne cheke eghu ka mana, “Iara neke famane cheke ke uludi naiknore. Eghuteuna iara neke farirhiu koba ke lamna suga tharai, nei ke lamna Sugablahi, ka vido aheva te kafe khapru teu mae Jiure. Tutuani, iara neke theome cheke poruni kaisei glepo.

Nonomho Te Keli Teke Risoi Mae Mak 6:6

Mae Jisas ne jaglo nogna fara te theome fatutuani naiknore. Ke leghugna igne mae Jisas ne tei ka keha namono te au ka nohi tuana ne farirhiudi naiknore.

Nonomho Te Keli Teke Risoi Mae Mak 2:13

Mae Jisas neke puloi rhegna Kholo Galili. Kmana naikno ne kafe khapru mei ka mana, eghuteuna mana ne farirhiudi jare.

Eklesiasti 12:9

Mae velepuhi te lalase igne neke farirhiudi naiknore unha te lasedi manare. Mana hirodi nei faghiladi neku cheke te ninhigrana igre glahula tutuani ba theo.

Matiu 26:55

Mae Jisas ne cheke eghu ka naiknore, “Ba, ne mae blau iara eghu mei balu naflahi nei nanala eghu mala mei loki ghau iara si ghotilo ia? Leuleghu narane iara gnokro farirhiudi koba naiknore ke lamna Sugablahi, nu ghotilo theome mei loki ghau ngala iara jare.

Nonomho Te Keli Teke Risoi Mae Mak 1:21

Mae Jisas baludi nogna mae fanomhore ne mei posa Kapanam. Aonu, kau narane Sabat na mae Jisas ne tei ruma kau suga tharai na ne funu farirhiudi naiknore.

Nonomho Te Keli Teke Risoi Mae Mak 6:2

Kau narane Sabat na mae Jisas ne funu farirhiudi naiknore ka suga tharai na. Kmana naikno nomhini mana ne jaglo nodi fara. Mare ne cheke eghu, “Tore, neke hata aheva si mana farirhiu igrea? Unha nafnata glalase si God teke tusu lao ka mae ignea? Ne faꞌunha si mana te au nolaghi te mala edi kofubobhoi igrea?

Nonomho Te Keli Teke Risoi Mae Mak 10:2

Aonu, keha mae Farasi ne mei funu saosagroni mana. Mare ne cheke eghu ka mana, “Ba, snakreni ka noda vetula tahati na si mae te mala koko khetogna na ia?”

Nonomho Te Keli Teke Risoi Mae Mak 12:35

Kate farirhiu mae Jisas ke lamnagna Sugablahi na, mana ne ghusna eghu ka naiknore, “Naugna unha si mae velepuhigna vetula nogna mae Moses gre te chekeni mae Kraes na ginauna karha mei ka vikegna mae Devet teu ignea?

Nonomho Te Keli Teke Risoi Mae Mak 14:49

Leuleghu narane na iara au ngala balumi ghotilo, farirhiu ngala ke lamna Sugablahi, eghuteuna ghotilo theome loki ghau ngala iara jare. Nu glepo igre edi mala horoghoto kau grioriso te blahi ia.”